Comezou a tempada para os máis pequenos no I Cros Cidade de Pontevedra celebrado a mañá deste domingo 10 de novembro na Illa das Esculturas, con case 700 deportistas inscritos.
Foi unha mañá na que os cativos se puxeron a proba nun circuíto cheo de barro nunha mañá na que a chuvia non fixo demasiado acto de presenza.
Inauguraron a mañá, dentro do Zonal de Xogade de Pontevedra-Salnés-Ulla Umia, de categoría cadete (mixto), onde o máis rápido dos rapaces foi Martín Otero, do Pinarium, seguido por Joaquín González, da Gimnástica e de Pablo Barreiro, tamén do Pinarium. No caso das rapazas, a primeira en completar o circuíto foi Sabela Abarca, da Gimnástica, seguida da súa compañeira, Carla Santoro, sendo terceira a atleta do Pinarium, Matilda Veiga.
A seguinte categoría en tomar a saída foi a infantil, cun podio que formaron Daniela Bayón, do Club Atletismo Cambados, Adriana Fraga, do Rías Baixas e Irene Burgos, do Beade, no caso da categoría feminina e por Xurxo Varela do Ría Arousa O Grove, Ángel Rodríguez do Beade e Paio Estévez, da Gimnástica.
Xusto despois foi turno dos alevíns, onde o primeiro posto masculino foi para Antón Fuentes, do Beade, o segundo para André Rodríguez, do Comesaña Sporting Club e o teceiro para Santiago Domínguez. O primeiro gimnástico en pasar por meta foi Teo Castiñeira, quen foi cuarto. En categoría feminina a máis rápida foi Lía Geralavicius, seguida das atletas do Beade, Fernanda Mateo e Mía Lago. O cuarto e quinto posto foron para Silvia López e Sofía Diz, ambas atletas gimnásticas.
Pecharon a parte da competición correspondente ó zonal de Xogade os benxamíns, onde foi primeiro Nico Camino, do Pinarium, seguido de Diego Blanco, do Rías Baixas e Mauro García, do Beade. O Gimnástico máis rápido en cruzar a meta foi Teo Aboy, seguido do seu compañeiro Marco Geralavicius. No caso das rapazas, a máis veloz foi Gloria Prada, do Sociedad Atlética Val Miñor, sendo segunda a Gimnástica Lidia Laredo e terceira Allie Cellerino, do Beade.
Tras eles, foi turno da competición federada sub16, sub18 e sub20 mixto, onde Pepe Sánchez del Valle fíxose coa primeira posición, nun duelo durante toda a carreira co gimnástico Pablo Ulla, quen finalmente foi segundo, seguidos moi de preto tamén durante todo o percorrido polo terceiro clasificado, Hugo Dopazo.
No caso da carreira feminina a máis rápida foi Sabela Martínez, da Gimnástica, seguida da súa compañeira Aroa Barbeito e de Candela Lago, do Atletismo Noia.
Pecharon a xornada de competición os atletas participantes no sub23, sénior e máster mixto, conseguindo o trofeo feminino as gimnásticas Isa Caeiro e Paula de la Torre, primeira e segunda respectivamente e acompañadas no podio por Ángeles Padín, do Atletismo Arenteiro. O podio masculino, pola súa banda, estivo formado polo atleta da Asociación Deportiva Atlética do Sil, Alejandro Pesado, xunto con Ismael Lago, do San Miguel de Marín e de Iago Pereira, da Gimnástica.
Na clasificación por equipos a Gimnástica foi primeira na categoría cadete feminina e segunda na masculina e primeira nas categorías infantil, alevín e benxamín tanto feminina como masculina.
Noraboa a todos os atletas!
Foi unha mañá de moito barro, algunha caída e moito deporte. A próxima parada para o noso club é o XXIX Trofeo Cidade de Pontevedra, sexta proba do circuíto de atletismo en pista que se celebrará o vindeiro sábado 30 de novembro en xornada de mañá nas pistas do CGTD de Pontevedra.
Comeza a tempada de competición para os máis cativos na provincia. Este próximo domingo, 10 de novembro, a Gimnástica organiza o Cros Cidade de Pontevedra (Illa das Esculturas).
Despois do Medio Maratón, a Gimnástica volve organizar un evento deportivo na cidade coa intención de promover a práctica do atletismo na nosa cidade, esta vez cambiando o asfalto pola terra e o barro.
A competición está composta, por unha banda, da xornada zonal do programa Xogade para nenos e nenas das categorías benzamin, alevín, infantil e cadete e, por outra, da proba federada e popular para deportistas nados en 2009 e anos anteriores.
Nesta última haberá trofeos para os tres primeiros postos de cada categoría e xénero. As inscricións están abertas na plataforma Carreiras Galegasata o mércores 6 de novembro ás 23:59 horas.
Na competición tamén haberá categorías Máster 1 (35 a 39 anos cumpridos), Máster 2 (40 a 49 anos cumpridos) e Máster 3 (50 anos en diante), realizando a inscrición mediante a mesma plataforma.
A mañá deste domingo 20 de outubro, con todas as previsións climatolóxicas favorables, déronse cita en Ponteveda os case 1750 participantes nesta edición do Gran Fondo Caixabank 2024.
Ó final, a chuvia fixo acto de presenza gran parte da xornada, que inauguraron os máis pequenos, disputando a súa carreira, de 950 metros, cun circuíto celebrado íntegramente no interior da pista do CGTD, recibindo todos eles a súa medalla de finisher de recordo, para moitos, da súa primeira carreira.
Seguíronlles os participantes do 10k, que completou na inscrición as 500 prazas reservadas para esta distancia. Ás 10:30 horas finalmente tomaban a saída na Ponte dos Tirantes un total de 394 atletas que percorreron a distancia seguidos dos participantes do Mini Gran Fondo (atletas nados entre os anos 2007 e 2017). Á cabeza da categoría absoluta feminina estaba este ano a olímpica Ester Navarrete, quen cumpriu co seu obxectivo e fíxose coa victoria na proba atravesando a liña de meta en 00:35:12, seguida da atleta da Gimnástica, Marina Mullunesh Porteiro, quen o fixo en 00:40:17 e, tras ela, facía o propio a terceira clasificada, Marina Losada, cun tempo de 00:43:11.
No cadro masculino o máis rápido da distancia 10k foi o gimnástico Pablo Ulla, que rematou o percorrido en 00:33:26, seguido de Pepe Sánchez del Valle, que fixo un tempo de 00:33:42 e de Diego Paz, que atravesou a meta en 00:34:07.
Tras eles, ás 11 de mañá en punto deuse o pistoletazo de saída da distancia raíña, o 21K, onde tomaron a saída 855 dos inscritos. O trío que posteriormente compuxo o podium masculino dominou prácticamente a totalidade da carreira, chegando primeiro Pablo Otero, quen conseguiu, cun tempo de 01:07:12, revalidar o título acadado na edición anterior nun lembrado duelo con Reyes Estévez. Foi segundo Francisco Cabrera, moi preto, que asinou 01:07:16 e a terceira posición, tamén moi axustada, foi a de Anxo Castro, que cruzou a meta en 01:07:29.
O podium feminino foi reñido e emocionante. A primeira posición foi para Sara Castillo, quen corría a primeira carreira de longa distancia tras ser nai, e que soubo medir os tempos para impoñerse con autoridade na proba chegando a meta en 01:22:38. A segunda e terceira praza decidíronse a escasos vinte metros da meta onde Natalia García e Sonia Abad puxeron a emoción ó final do podio esprintando e adiantándose en numerosas ocasións para pelexar polo mellor posto, sendo finalmente Natalia segunda (01:24:56) e Sonia Abad, terceira (01:24:57).
Na proba participou tamén a marchadora da Gimnástica, preseleccionada para as remudas mixtas en París 2024, AntíaChamosa, quen, non sendo a súa especialidade e sen tempo dabondo para preparala, foi finalmente sexta na clasificación xeral.
Mención especial cabe facer ós atletas da Gimnástica, David de la Fuente e Isa Caeiro. Ambos participaban por primeira vez na distancia raíña, o Medio Maratón. David, sen preparar realmente a proba, completou a distancia entrando a meta en oitava posición e Isa Caeiro, pola súa parte, acompañada na súa primeira incursión na distancia polo seu entrenador, Manuel Hurtado, foi alternando o segundo e terceiro posto durante case toda a proba, sendo finalmente cuarta tras un contratempo ó seu paso polos últimos controis.
Dende o club damos grazas ó patrocinador principal, Caixabank, pola súa implicación un ano máis, e ó organizador xunto coa Gimnástica, o Servizo de Deportes do Concello de Pontevedra. Tamén ós colaboradores, Xunta de Galicia a través de Deporte Galego e a todos os que proporcionan os detalles que reciben os participantes (Coca Cola, Froiz e A Devesa). Tamén a Galmotor, quen facilita os vehículos necesarios para realizar o transporte de todo o material da proba.
Agradecemos tamén a entidades como a Federación Galega de Atletismo, a Brilat, a Escola Naval Militar, Protección Civil e Ofivol a súa aportación con persoal e material para garantir a seguridade e comodidade tanto dos atletas como da propia organización.
A Lactic Studio por todo o traballo e o deseño do cartel e da camiseta que tanto vos gustou este ano.
E por último, damos a grazas a todos os atletas que se inscribiron, aos que participaron, aos que animaron, a todos os pais, nais, avós e familiares que desafiástedes á chuvia para que os vosos correran a súa primeira carreira ou para darlle folgos un día máis a quen corre con asiduidade. Vós facedes posible o Medio Maratón cada ano.
Parabéns a todos por unha edición máis de atletismo e vémonos o ano que vén!
Seguimos cos anuncios de participación para a cita do próximo 20 de outubro.
Antía Chamosa, quen vén dos Xogos Olímpicos de París, onde estivo preseleccionada para as remudas mixtas, comezará a pretempada na proba que organiza a Gimnástica xunto ó seu irmán, Dani Chamosa. Ambos participarán na distancia de Medio Maratón.
A escasos 10 días de pechar definitivamente as inscricións, os números xa están por riba dos acadados na edición anterior. A data de hoxe (martes) quedan só 150 prazas para medirse ós irmáns Chamosa na distancia de Medio Maratón e apenas 110 prazas para completar o 10k e batirse coa olímpica Ester Navarrete.
Lembramos que o peche de inscricións será o 13 de outubro, así que non o pensedes moito se queredes formar parte deste evento!
A piques de rematar o segundo prazo de inscrición, o Gran Fondo Caixabank 2024 xa ten 1000 inscricións completadas.
Lembramos a todos os interesados que o prazo para anotarse, tanto para o 10k como para a distancia Medio Maratón, este segundo prazo de prezo reducido remata o día 30 de setembro a medianoite e que, a partires de entón entraremos no último prazo de inscrición, xa con prezo normal, sendo o último día para inscribirse o 13 de outubro.
No caso dos máis pequenos, o prazo límite de inscrición será o día 17 de outubro, sen variación de prezo (1 euro que se acumulará para sortear vales desconto para material deportivo).
A edición 2024 do Gran Fondo entra na recta final. Vémonos o 20 de outubro na ponte dos tirantes!
A falta de 30 días para a celebración do Gran Fondo Caixabank 2024 (será o 20 de outubro), o ritmo de inscricións aumenta de semana en semana, estando agora mesmo en case 900, entre os que están, como xa anunciamos, a olímpica Ester Navarrete, que participará no 10k.
Lembramos tamén que estamos a piques de rematar o segundo prazo de inscrición, que remata o día 30 de setembro, cun prezo de 20 euros para o medio maratón e de 8 euros para o 10k e que, a partir do día 01 de outubro, pasará a ser de 30 euros no medio maratón e de 15 para o 10k.
Os interesados en participar deberán ter en conta que o último día para inscribirse, sen opción de facelo posteriormente, é o día 13 de outubro.
No caso dos menores, as inscricións poderán realizarse ata o 17 de outubro, cun custo de 1 euro por cativo. Dito importa acumularase en vales desconto para material deportivo que se sorteará en Miler, un dos colaboradores do evento.
A proba do Gran Fondo ten como patrocinador principal a Caixabank e como organizadores ó Servizo de Deportes do Concello de Pontevedra (Servicio de Deportes) y e á Sociedad Gimnástica de Pontevedra, como entidade deportiva e a través do seu voluntariado.
Colaboran no evento a Xunta de Galicia a través de Deporte Galego, e proporcionando detalles para os participantes, Coca Cola, Froiz e A Devesa, como vén sendo tradición. Galmotor tamén é outro dos nomes que sempre confían en nós e este ano non ía ser a excepción.
Por outra banda, entidades como a Federación Galega de Atletismo, a Brilat, a Escola Naval Militar, Protección Civil e Ofivol, formarán parte tamén do evento axudando á organización.
Agardamos vervos a todos o 20 de outubro alí e aproveitamos para agradecer a todos os colaboradores, patrocinadores e organizadores a súa implicación nesta proba. Seguide adestrando, que o Gran Fondo está a por dar a saída!
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
