Queda xornada e media de entrega de dorsais para a San Silvestre 2024 e xa se entregaron case 4000!! Cunha previsión climatolóxica máis que favorable para o día da carreira, parece que hai ganas de deporte e festa para despedir o ano antes de tomar as uvas.
Os rezagados teñen pouco tempo xa para inscribirse, así que lembramos que poderán facelo na Rúa Castelao 3, baixo, de Pontevedra, o día 30 de 10:30 a 13:30 e 17:30 a 20:30 e o mesmo día 31, só en horario de mañá.
Lembramos tamén que para recoller o dorsal é obrigatoria a entrega dun kilo de alimento non perecedeiro por cada dorsal para colaborar co carácter solidario da proba, que será recollido polo Banco de Alimentos que, ademais, terá unha furgoneta tamén o día da proba no lugar para quen queira realizar algunha aportación a maiores.
Na mesma entrega de dorsais, quen o desexe, poderá realizar un donativo para colaborar coa organización e tamén adquirir a camiseta oficial desta edición.
Na carreira, de preto de 4 kilómetros haberá premios para os tres primeiros clasificados de categoría feminina e masculina e premios para o mellor disfraz individual e colectivo (este a repartir entre todos eles). Non haberá clasificación máis alá deses primeiros postos que levan premio.
Ó final da carreira haberá un detalle para os participantes proporcionado polos nosos colaboradores (ata esgotar existencias).
Queremos que non se esqueza que ESTÁ PROHIBIDO CORRER SEN DORSAL, polo que animamos a todos os que teñan intención de participar que acodan a inscribirse e recollelo ou ben, que proporcionen os seus datos a alguén que poda realizarlles a inscrición.
Tamén lembramos que toda a información está a disposición de todos os participantes premendo aquí.
Xa queda menos e a festa comeza a quecer motores! Vémonos o 31 para despedir o ano do mellor xeito: facendo deporte!
Agardamos que xa teñades pensados os vosos disfraces, que xa convencérades a toda a vosa xente ou que, se corredes sós, xa teñades o reloxo preparado para medir pulsacións!! Comezamos a quecer para celebrar a data máis esperada do ano: A SAN SILVESTRE DE PONTEVEDRA 2024!!
Berto Fojo, como o ano pasado, é o encargado de poñerlle a imaxe co deseño dun cartel festivo e animado, deixando claro o carácter do evento.
Respecto da carreira, nesta mesma web, tedes o regulamento da proba con toda a información, que vos lembraremos cada pouco vía redes sociais, pero aquí vai o primeiro que debedes saber:
INSCRICIÓNS E RECOLLIDA DE DORSAIS:
Esta carreira ten carácter social e colabora co Banco de Alimentos, polo que será OBRIGATORIA a entrega DUN KILO DE ALIMENTO NON PERECEDEIRO POR CADA PARTICIPANTE para realizar a inscrición e recoller o dorsal.
Unha vez realicedes a entrega, poderedes inscribirvos cantos queirades, proporcionando NOME, APELIDOS e NÚMERO DE DNI. De anotar a algún MENOR DE IDADE SEN DNI, proporcionarase o da persoa que se fará responsable durante a carreira.
DATAS E HORARIOS DE INSCRICIÓN E RECOLLIDA DE DORSAIS:
1º tanda: dende mañá, xoves 12 de decembro ata o venres 27 de decembro, na tenda MILER (R/ Peregrina 6, soto, Pontevedra), en HORARIO DE TENDA. Lembrade que o día 25, festivo, non se entregarán dorsais.
2º tanda: o sábado 28 de decembro e o luns 30, de 10:30 a 13:30 e de 17:30 a 20:30 horas, na Rúa Castelao 3, baixo, Pontevedra. O domingo 29 e o propio 31 a entrega de dorsais só se realizará en horario de mañá.
SAÍDA E META:
A saída este ano será na Avenida RAÍÑA VITORIA e a chegada será, como sempre, na Avenida MONTERO RÍOS, nun percorrido que ten aproximadamente 4 km en total. Podedes consultar o mapa no regulamento da carreira.
A TER EN CONTA:
Pregamos a todas as persoas que participen que revisen o regulamento da carreira, pola seguridade de todos, especialmente a orde de saída (podedes completar a distancia en bici, patíns, con carriños, cadeiras de rodas, patinetes, acompañados dos vosos animais de compañía) pero sempre respectando as normas para que a experiencia sexa a mellor posible para todos.
Esta carreira, como cada ano, é organizada polo noso club, a Sociedad Gimnástica de Pontevedra, xunto co Servizo de Deportes do Concello de Pontevedra, e conta ademais con patrocinadores habituais como Froiz, A Devesa, Galmotor e Miler.
Estade atentos, porque en vindeiros días desvelaremos algunha información máis sobre esta edición da San Silvestre Pontevedra 2024. Ide quecendo, que saídes!!
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
