Este mércores 28 de maio celebrouse, cunha numerosísima participación de todas as idades, o XLIX Trofeo Sociedad Gimnástica Pontevedra nas pistas do CGTD. Nunha xornada na que a elevada temperatura favoreceu ós velocistas, batíronse moitos récords persoais e moitos dos nosos atletas voltaron a mellorar a súa marca da tempada, como no caso de Esperanza Caldas no 100 metros lisos ou Alejandro Mosteiro no lanzamento de xavelina.

Tamén se batiron numerosísimas marcas persoais, como por exemplo Paio Estévez no 1000 metros sub12-14, Diego Acuña no salto de altura, Sergio Coello, que mudou os santos horizontais polo 100 metros lisos ou Guille Piñeiro, que establece tamén unha nova marca persoal, na mesma disciplia que o seu compañeiro Sergio.

Pero sen dúbida se houbo un protagonista durante a tarde, foi Pedro Osorio. Foi unha das fichaxes da Gimnástica para esta tempada e dende logo a súa progresión está sendo estratosférica. Mellora a súa marca persoal en cada competición á que acode, incluso na final do 800 no Campionato de España celebrado hai uns meses onde foi o sétimo mellor tempo do país. Hoxe, quen asistiu ó CGTD foi privilexiada testemuña ó ver voar ó naronés sobre o tartán precisamente nesa disciplina onde non só batiu de novo o seu récord persoal, agora en 01:45:62, senon que ademais pudieron ver a Osorio achegarse perigosamente á mínima da Federación Española para o Mundial (01:45:10). O récord do mundo e o récord olímpico (01:40:91) pertencen actualmente ó keniata David Lekuta Rudisha, quen as conseguiu na final olímpica de Londres 2012. Na Gimnástica, como no CGTD esta tarde, todos se preguntan ónde está o tope de Osorio e que, a xulgar pola tempada impecable que está a asinar, aínda está por chegar.

Dende o club felicitamos a todos os atletas que esta tarde de calor máis propia do verán viñeron dar o mellor de sí na competición e a todos os que se achegaron a desfrutar do espectáculo do atletismo dende as gradas.

A seguinte cita do Circuito Froiz 2025 de atletismo en pista será o 11 de xuño, co XXX Trofeo Cidade de Pontevedra. Agardamos vervos alí!