Era moi, moi difícil, pero tiñades ganas de festa, de deporte, de desfrutar cos vosos… E fixéstedelo realidade.
7000 dorsais repartidos nesta LXII edición da San Silvestre de Pontevedra. 7000 persoas que fixeron posible igualar o récord que conseguíramos alá polo 2019 e que, ademais, nos sitúan como a San Silvestre de referencia en Galicia.
Antes de comezar o evento quecíchedes cunha masterclass de zumba e antes do pistoletazo de saída os irmáns Chamosa foron os protagonistas da pequena homenaxe que quixemos facerlles dende o club nun ano de enormes éxitos para eles e que non podíamos deixar pasar neste último evento deportivo do 2025.
Competiron familias, grupos de amigos, compañeiros de traballo, de aficións, todos co sorriso característico entrando en meta. Os clubs, un ano máis, fixéstedes do deporte a mellor forma de rematar este 2025. O Galaico coas súas divisións de sincro e natación, Pontevedra Rugby Club, Mareantes, EPCP, Os corredores do inferno ou o Ciclismo Farto, entre moitos outros, quixéchedes compartir con nós a gran festa do que temos en común: o deporte.
Tamén moitos vos animástedes a disfrazarvos. Tivemos señoras con carriño da compra, elfos, lobos, dinosaurios, marcianos, ó Grinch e ata cocodrilos saídos do mesmo Lérez! O xurado tívoo moi difícil este ano, e rematou premiando como disfraz individual ás “bolas de Nadal” e como grupal, “o tren do Nadal”, que recolleron cadanseu lacón cortesía de Froiz e a rosca que nos proporciona para eles A Devesa.
Na parte deportiva, os podios desta edición de récord foron, no caso do masculino, para o atleta de moda, David de la Fuente, seguido de Javier Puig e terceiro, Gustavo Santiago. No caso do podio feminino, repite victoria a gimnástica Sabela Martínez, sendo segunda Candela Castro que, como anécdota, fora a gañadora do 2019, onde tamén se repartiran os 7000 dorsais. Foi terceira outra gimnástica, Paula de la Torre, que tamén repite como una das tres máis rápidas da proba. Os primeiros postos foron agasallados cun xamón e os segundos e terceiros cun lacón, grazas a Froiz. Ademais, todos eles recibiron unha rosca, cortesía de A Devesa e Sabela, igual que David, levou o trofeo que a acredita como gañadora dunha edición de récord.
Dende o club non nos queda máis que dar as gracias ó Concello de Pontevedra e a Deportes Pontevedra por organizar a proba e ós nosos colaboradores, Ford Galmotor, que nos proporcionou os vehículos cos que trasladamos todo o material da proba, a Miler, por cedernos a súa tenda para a primeira tanda de inscricións, a Froiz polos agasallos para os gañadores e os chocolates e augas que recibístedes tras cruzar a meta e a A Devesa polos doces que vos agardaban ó final do avituallamento para rematar a carreira co mellor sabor de boca.
Pontevedra é a cidade do deporte, e hoxe desmostrástedelo unha vez máis. Non temos palabras para a acollida da San Silvestre 2025. GRAZAS queda pequeno.
Xa podemos darvos máis detalles dunha das citas máis agardadas do ano!! A San Silvestre de Pontevedra 2025 arranca este luns, 01 de decembro, co inicio das inscricións.
Na nosa web tedes o regulamento completo para poder descargalo (inclúe mapa do percorrido), pero dámosvos unhas pistas para ir abrindo boca!!
QUÉ FACER PARA PARTICIPAR NA SAN SILVESTRE?
Coller un kilo de alimento non perecedeiro por cada inscrición que vaia realizar.
Se eres quen se encarga de gardar os abrigos dos que participan e ademais vas inscribilos, asegúrate de levar no whatsapp ou no mail unha foto do DNI de toda a xente que vas inscribir.
Se vas inscribir a un menor, asegúrate de ter tamén a foto do DNI do titor legal que se fará cargo durante a carreira.
Dirixirte ós lugares de inscrición con tempo e paciencia. Non o deixes para o último día coma sempre…
Do 01/12 ó 26/12, na tenda Miler (R/ Peregrina 6, soto – Pontevedra) de 10:30 a 13:30 e 17 a 20 horas de luns a sábado (ollo, o 25/12 estará pechada).
Do 27/12 ó 31/12, en Rúa Castelao 3, baixo. OLLO ós horarios:
27, 29 e 30, de 10:30 a 13:30 e 17:30 a 20:30
28 (domingo) e 31 (día da carreira), SÓ de 10:30 a 13:30 horas.
Sorrí á persoa voluntaria que che inscribirá, dalle os datos e déixalle o kg de comida por dorsal.
Antes de marcharte, asegúrate de levar o dorsal e colle imperdibles se precisas.
Se o consideras, o club agradéceche se queres deixar un donativo para continuar realizando actividades de promoción do atletismo como esta.
LEMBRÁMOSVOS QUE ESTÁ PROHIBIDO CORRER SEN DORSAL
Nos lugares de entrega de dorsais tamén poderedes adquirir a camiseta oficial deste ano.
EN QUÉ CONSISTE A SAN SILVESTRE DE PONTEVEDRA?
Realízase un percorrido polas rúas da zona histórica da cidade, de aproximadamente 3.900 metros, maioritariamente chá, accesible para todo tipo de persoa e condición, apto para realizar con cadeiras de rodas, nenos pequenos e silliñas. Por suposto podedes realizalo andando!
Antes da carreira, ás 16:15 horas, poderedes participar nunha masterclass de Zumba que virá ben para facer un bo quecemento e entrar no espíritu de festa deste evento.
A saída e chegada serán na Avenida Montero Ríos (diante do edificio da Deputación), ás 17 horas.
Como vos dixemos, hai un regulamento para consulta (de moi recomendada lectura), e aí existe unha orde de saída que pregamos se respete pola seguridade de todos:
Corredores pedestres
Menores
Cadeiras de rodas, silliñas, persoas de mobilidade reducida.
HAI PREMIOS?
Sí, para os tres primeiros corredores (masculino e feminino) e para os mellores disfraces. Non hai clasificación da carreira más alá destes postos.
O primeiro de cada categoría recibirá un xamón e os segundos e terceiros postos levarán un lacón.
O mellor difraz individual recibirá tamén un lacón e o mellor disfraz coletivo recibirá outro lacón para compartir entre todo o equipo.
Igualmente, como cada ano, dous dos nosos colaboradores (Froiz e A Devesa) terán un detalle cos participantes que rematen a proba e leven dorsal ATA ESGOTAR EXISTENCIAS.
Esta carreira, como cada ano, ten carácter solidario en colaboración co Banco de Alimentos de Pontevedra. Se aínda queredes aportar algo máis, o mesmo día da carreira estarán os propios voluntarios da entidade na liña de saída recollendo toda achega que queirades realizar.
Xa podedes pedirlle a Papá Noel o voso dorsal solidario para despedir o ano facendo deporte e divertíndovos xuntos!!
Si hace unas semanas se desataba la locura en las pistas del CGTD viendo al ochocentista Pedro Osorio volar por el tartán mejorando su marca personal de una forma estratosférica y acercándose peligrosamente a la mínima de la Federación Española para entrar en la terna para la convocatoria para el Mundial de Tokio, este miércoles 18 de junio fue la afición de Guadalajara la que tuvo el placer de ver al naronés despegar en el tartán.
Osorio, que está en una forma incuestionable volvió a hacer de las suyas en la XXIV Reunión Internacional “Ciudad de Guadalajara” participando en su distancia estrella, el 800, y terminó la final 1 en tercera posición, atravesando la meta en 01:45:48 minutos. Este tiempo supone su nueva mejor marca personal, mejorando la conseguida en el CGTD y, además, se convierte en el nuevo recordista de la Gimnástica en el 800, arrebatándole el puesto a Alberto Guerrero Gascón quien, con su 01:47:20 tenía el honor de ser el mejor gimnástico en la distancia desde el 08/06/16.
Cuando parece que Osorio ha jugado todas sus cartas, es capaz de sacar un nuevo as de la manga y desde el club estamos deseando saber dónde está un límite que parece que tardará en llegar. Enorme, Pedro!
Como xa ocorrera na tarde do día 30, este martes 31 de decembro a Gimnástica tiña que abrir a última tanda de inscrición para a San Silvestre antes da hora prevista debido á cola que xa estaba formada no exterior do local. Pecháronse as inscricións, desta vez, máis tarde tamén do previsto, repartindo finalmente 6531 dorsais.
6531 persoas confiaron na San Silvestre de Pontevedra, convertíndoa no récord post-pandemia, conseguindo unha progresión ascendente no número de participantes, pero é que, ademais, a San Silvestre de Pontevedra foi a máis multitudinaria de Galicia de entre as celebradas o propio 31 de decembro.
Tivemos o grande honor de que, entre eses 6531 dorsais, algúns deles tiñan nomes relevantes como o da olímpica Támara Echegoyen, da produtora de cine e series, Teresa Fernández-Valdés, o campeón do mundo de duatlón coñecido no mundillo como Tianillo, o campión do mundo de triatlón e agora adestrador, Pablo Dapenae a lenda por excelencia da disciplina, Javi Gómez-Noya.
Javi, ademais, encara a súa última tempada como triatleta profesional e tamén como atleta da Gimnástica, polo que a súa presenza foi especial para a organización.
Moita xente foi disfrazada, equipada co uniforme do seu club, representando o seu deporte, e moitos agardaron ós seus pais e nais na liña de meta para atravesala collidos da súa man ou en brazos, rematando o ano da mellor forma.
Todos os participantes recibiron no avituallamento, ata que se esgotaron as existencias, o detalle que os patrocinadores Froiz e A Devesa lles tiñan preparados. Froiz colaborou con ricas tabletas de chocolate e auga e A Devesa cos seus famosos croissants.
Dito material, ademais, foi transportado ata os puntos indicados grazas á colaboración de Galmotor, que nos cedeu as furgonetas necesarias.
Rematada a proba, comezou a esperada entrega de premios. Na categoría de disfraces, foi premiado o disfraz individual, de nome “árbore de Nadal”, que levou de agasallo un lacón cortesía de Froiz.
A San Silvestre é unha carreira que non ten clasificación como tal, pero sí se teñen en conta os tres primeiros postos para formar o podio, que esta vez quedou composto por Jorge Puig, Hugo García e Gustavo Santiago na categoría masculina e as atletas da Gimnástica, Sabela Martínez e Paula de la Torre, acompañadas de Marta Dios.
Os primeiros postos recibiron de mans do Alcalde Miguel Anxo Lores e da Presidenta da Gimnástica, Charo Castro, un xamón cortesía do noso patrocinador, Froiz, que tamén proporcionou un lacón ós segundos e terceiros postos.
Todos eles, ademais, foron agasallados por panaderías A Devesa cunha rosca.
Estade atentos porque nos próximos días teredes publicadas as fotografías da proba!
Dende a organización damos as grazas ó Concello de Pontevedra pola colaboración, así como ós nosos patrocinadores, Froiz, A Devesa, Galmotor e Miler, pola axuda e os agasallos para os participantes.
Foi unha xornada de récord e festa que agardamos disfrutárades tanto como nós. Contamos con vós para seguir facendo historia na edición de 2025! Moita saúde e os nosos mellores desexos para todos e moitas grazas por vir despedir o ano xuntos!
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
