Categorías archivos - Sociedad Gimnastica de Pontevedra

Reyes Estévez participará no medio maratón de Pontevedra

Quedan poucas horas para o peche do primeiro prazo de inscricións e xa temos os primeiros atletas de nivel confirmados. Entre eles destaca o dobre bronce mundial en Atenas 1997 e Sevilla 1999.

Reyes Estévez, nado en Cornellá de Llobregat en 1976, estará o próximo 16 de outubro na liña de saída do medio maratón do Gran Fondo Caixabank. No seu longo palmarés conta cun posto de finalista nos Xogos Olímpicos de Atenas 2004 e varias medallas internacionais e nacionais.

Foi terceiro en dous mundiais de aire libre, en Atenas 1997 e Sevilla 1999. A nivel continental é campión europeo en Budapest 1998 e subcampión en dúas ocasións. En aire libre en Munich 2002 e baixo teito en Lisboa 2001. En pista cuberta, tamén quedou terceiro no Europeo de Madrid en 2005 por partida dobre, nos 1500ml e nos 3000ml.

Esta noticia coñecémola poucas horas antes de que peche o primeiro prazo de inscricións. Lembramos que ese prazo remata o 30 de setembro ás 23:59h. Nel o custo da inscrición é de 20€ para o medio maratón e de 10€ para os 10km. A partir desa data e ata ás 23:59h do 9 de outubro, o prezo por anotarse será de 5€ máis caro en cada proba.

Por agora, xa hai case 400 inscritos na distancia longa e case 200 na curta. Na proba dos máis cativos, presentada por primeira vez este ano, o número de anotados rolda xa os 40 inscritos.

Peche do primeiro prazo de inscrición

Queda un día para o peche de inscricións do primeiro prazo e o Gran Fondo Caixabank leva máis de 430 inscritos. Supéranse os 300 no medio maratón e case 150 nos 10km.

O primeiro prazo de inscricións pecha o 30 de setembro ás 23:59h. Nel o custo da inscrición é de 20€ para a longa distancia e de 10€ para a curta. A partir desa data e ata o 9 de outubro, o prezo por anotarse será de 5€ máis caro en cada proba.

Este ano tamén como novidade haberá unha proba con carácter participativo para os máis pequenos. O pistoletazo de saída soará antes das probas dos adultos e haberá dúas categorías:

Cativos (nados en 2016 e posteriores). Correrán 250m dentro da pista de atletismo do CGTD de Pontevedra.
Mini Gran Fondo (nados 2015-2005). A súa proba será de 750m coa saída dende a Ponte dos Tirantes e ata a pista de atletismo do CGTD de Pontevedra

Os titores que queiran anotar aos rapaces pódeno facer na páxina web do Gran Fondo Caixabank. A inscrición custa 1€ e co recadado sortearase vales en material deportivo entre todos os participantes.

É un servizo máis que ofrece a XL edición do Gran Fondo, un evento que nin parou nos anos da pandemia e se adaptou ás circunstancias. Este ano, xa coa normalidade recuperada e sen máscaras de cara, retoma servizos básicos e que marcan a diferenza respecto a outras probas de nivel autonómico e, incluso, nacional.

Tamén hai que lembrar que este ano será Campionato Galego de Medio Maratón e os percorridos das dúas distancias de adultos están homologados. Eso sí, os participantes que so se inscriban no evento autonómico non poderán optar aos beneficios da proba popular, tales como premios económicos, trofeos, bolsa do corredor e demáis servizos.

Servizos que se ofertan no Gran Fondo Caixabank

O XL Gran Fondo Caixabank celebrase o 16 de outubro e xa hai máis de 200 inscritos. As inscricións xa están abertas ata o 9 de outubro. Hai dúas tandas: a primeira, e máis barata, remata o 30 de setembro; a segunda irá do 1 de outubro ata o día 9.

Ademais de desfrutar dunha marabillosa carreira polas rúas da cidade de Pontevedra, os atletas que participen neste evento poderán desfrutar destos servizos de xeito gratuito:

– Circuitos homologados: Tanto o percorrido do medio maratón como dos 10km están homologados. Ambos saen da Ponte das Correntes e chegan ao CGTD de Pontevedra. Na distancia curta darase unha volta a este percorrido, mentres que na longa serán dúas.

– Lebres na carreira: haberá lebres no medio maratón que intentarán rematar a proba nos seguintes tempos: 01:35.00 / 01:40.00 / 01:45.00 / 01:50.00 / 02:00.00. Calquera persoa se pode unir ás distintas lebres. Levarán bandeirolas visibles.

– Medalla finisher: ao rematar a proba do medio maratón entregarase unha medalla para todos os atletas que crucen a liña de meta.

– Fisioterapeutas: estudantes do Grao de Fisioterapia da Universidade de Vigo, no Campus de Pontevedra, darán sesións de xeito gratuito aos atletas que o requiran ao terminar a proba

– Garderías para nenos/as: disporase dun espazo de gardería para os nenos e nenas que teñan entre 3 e 12 anos. Estarán coidados por monitores titulares. O horario será de 09:00h a 14:00h. Os titores que queiran deixar os seus rapaces teñen que cubrir o seguinte formulario: https://docs.google.com/forms/d/e/1FAIpQLSdWFAjbyA60KO43fzDyJbj8rY_07pKvsEBsISBDdgEzzi4tWA/viewform

– Cervexa e bica ao rematar: a proba finalizará cunha pequena festa na que se repartirá cervexa e bica, mentres soará música.

– Vestiarios, duchas e gardarroupa: retómase o servizo de vestiarios e duchas no Pavillón Universitario. Tamén haberá espazo de gardarroupa para deixar as prendas antes de saír a correr evento.

– WC: cuartos de baños accesibles para os corredores cerca da liña de saída, situaranse nas inmediacións doa ponte dos tirantes.

– Bolsa do corredor: a bolsa do corredor recóllese ao terminar a carreira.

– Camiseta conmemorativa: todos os inscritos recibirán unha camiseta conmemorativa que se entregará cando se recollan os dorsais. Cada atleta elixirá a súa talla previamente na inscrición.

– Servizos sanitarios: todos os atletas participantes estarán cubertos cunha póliza de Seguro de Responsabilidade Civil e dun Seguro de Accidentes Deportivos. Haberá dúas ambulancias e dous médicos/as para a atención; ademais dos fisioterapias xa comentados. Tamén contaremos cun desfribilador (DESA) na carreira, que será portado por dous ciclistas.

– Avituallamento: haberá diversos puntos de avituallamento durante a carreira e ao cruzar a liña de menta, onde tamén haberá produtos alimenticios, como froita.

– Multimedia: os atletas poderán descargar fotografías gratis dende a páxina de Facebook do evento. Tamén haberá un vídeo resumen de toda a proba.

– Música: Colocarase diferentes puntos de música durante todo o percorrido para animar aos atletas. Haberá un grupo de música, dous DJ’s, tres charangas e dous altofalantes con música.

Éxito no VI Saltar na Rúa

O tempo acompañou a que a Praza da Ferrería se enchese de atletismo. A partir das 19:30h da tarde do 27 de agosto o público e os deportistas encheron unha das prazas máis míticas da cidade de Pontevedra.

O salto de lonxitude co olímpico en 2016, Jean Marie Okutu, á cabeza encabezaron a sexta edición deste evento que xa é un habitual no verán pontevedrés. Nesa proba vimos os saltos da vixente campioa galega absoluta, Andrea Villaverde; da vixente campioa de España sub23 en combinadas Eva Queimaño; e doutros atletas como Noa Currás, Matías Moldes, David Ferrer, Valeria González e Juan Piñeiro.

Posteriormente, seguindo cos saltos horizontais, foi a quenda do triplo salto. Aí destacaron Alfonso Palomanes, plusmarquista autonómico; Anxo Blanco, atleta titular co equipo masculino da Sociedad Gimnástica de Pontevedra; de Ariadna Gil e Uxía Paz, campioa galega absoluta e cuarta de España sub23, respectivamente; así como doutros atletas como Tania Valverde, Xoel Otero, Raúl Cortizo ou Marina A. Pérez, gran promesa da entidade organizadora.

O evento terminou co salto con pértega que abraiou a todo o público cando atletas como Tomás López, Aitor Fernández, Santi Ferrer ou Alejandro Villaverde saltaron por encima dos 4m de altura e “voaron” coa igrexa da Peregrina de fondo. Tamén participaron Marina A. Pérez, Manuela Blanco, Nerea Fernández e Lola Bouza.

Un ano máis, e xa van seis, o Saltar na Rúa volve a triunfar na cidade de Pontevedra. Nesta ocasión xa de volta á Praza da Ferrería, lugar de onde fora desprazado cara a Ponte do Burgo durante os dous anos nos que o evento estivo marcado polas restricións da pandemia.

Fotos de Laura BN

A sexta edición do Saltar na Rúa regresa aos seus orixes

O Saltar na Rúa volve á Praza da Ferraría, onde comezou fai seis anos; despois de dous anos saltando sobre o Río Lérez na Ponte das Correntes. Sobre as 19:30h comezará este evento que encherá unha das prazas máis emblemáticas de Pontevedra con algúns dos mellores saltadores autonómicos. Son expertos nas disciplinas de salto de lonxitude, triplo salto e salto con pértega.

Estarán as tres campioas galegas absolutas en aire libre das tres disciplinas desta tempada e os tres plusmarquistas autonómicos das tres probas.

Lonxitude

Atleta	Marca	Categoría	Club	Resultado
Noa Currás	4.52	Sub14	S. G. Pontevedra	3ª Campionato Galego en lonxitude en pista cuberta e campioa galega de altura ao aire libre na súa categoría.
Matías Moldes	6.27	Sub18	S.G. Pontevedra	Récord galego de combinadas sub16 en octathlón con 4401 puntos. Campión galego de combinadas en pista cuberta, subcampión ao aire libre e campión de lonxitude do Eixo Atlántico.
Valeria González	5.41	Sub16	Vila de Cangas	Primeira no ranking galego sub16 en lonxitude. Campioa galega sub16 en lonxitude en aire libre e en pista cuberta.
David Ferrer	7.29	Absoluta	S.G. Pontevedra	Dúas veces campión galego en lonxitude ao aire libre e unha pista cuberta. Terceiro este ano no galego en pista cuberta. Titular co equipo absoluto da Gimnástica
Eva Queimaño	5.63	Sub23	Super Amara BAT	Vixente campioa de España sub23 e plusmarquista autonómica en combinadas en pista cuberta. Bronce en sub23 en aire libre en combinadas. Tres veces consecutivas sendo campioa galega en combinadas en pista cuberta e unha en aire libre. Terceira en el ranking en lonxitude. Segunda no ranking en combis.
Juan Piñeiro	7.18	Sub23	Vila de Cangas	Bronce absoluto e sub23 en aire libre e cuarto absoluto en pista cuberta e terceiro sub23 nos campionatos galegos.
Andrea Villaverde	5.86	Sub23	S.G. Pontevedra	Vixente campioa galega absoluta en pista cuberta e en aire libre. Cuarta de España en sub23 en salto de lonxitude.
Jean Marie Okutu	8.17	Absoluto	FC Barcelona	Oito veces campión galego ao aire libre e once en pista cuberta. Dez veces campión de España absoluto en lonxitude. Plusmarquista autonómico en la disciplina. Olímpico en Río 2016.

Triplo

Atleta	Marca	Categoría	Club	Resultado
Tania Valverde	11.41	Absoluta	ADAS	Clásico do atletismo galego. Tres veces campioa galega de lonxitude e unha en triplo ao aire libre. Cinco veces campioa galega en lonxitude e dúas en triplo en pista cuberta.
Xoel Otero	14.37	Sub18	AA Mazi	Campión galego sub18 de triplo en aire libre e en pista cuberta
Marina A. Pérez	11.56	Sub16	S.G. Pontevedra	Terceira no Campionato de España de pista cuberta en triplo na súa categoría. Promesa das escolas do club.
Raúl Cortizo	14.21	Sub23	Celta Atletismo	Subcampión galego absoluto. Campión galego absoluto e en sub23 en lonxitude ao aire libre
Ariadna Gil	11.90	Sub23	Vila de Cangas	Campioa galega absoluta de triplo
Alfonso Palomanes	16.21	Absoluto	S.G. Pontevedra	Campión de España absoluto en 2016. Campión de España en todas as categorías desde cadete ata absoluto. Plusmarquista autonómico. Dez veces campión galego ao aire libre e outras tantas en pista cuberta en triplo.
Uxía Paz	12.55	Sub23	Femenino Celta	Cuarta de España sub23 e terceira no ranking autonómico absoluta ao aire libre
Anxo Blanco	15.68	Absoluto	S.G. Pontevedra	Campión de España sub23 en 2018 en pista cuberta. Segundo no ranking galego absoluto e competiu coa Federación Galega no Campionato de España por Federacións. Titular coa Sociedad Gimnástica de Pontevedra

Pértega

Atleta	Marca	Categoría	Club	Resultado
Marina A. Pérez	3,10m	Sub16	S.G. Pontevedra	Campioa galega sub16 en pista cuberta e subcampioa en aire libre
Manuela Blanco	3.30	Sub18	Ourense Atletismo	Cuarta absoluta en pista cuberta no campionato galego e subcampioa galega sub18 en aire libre
Nerea Fernández	3.30	Sub20	ADAS	Vixente campioa galega absoluta ao aire libre e campioa galega sub20
Lola Bouza	3.60	Absoluta		Dúas veces campioa galega absoluta e unha en pista cuberta
Alejandro Villaverde	4.10	Sub18	S.G. Pontevedra	Primeiro no ranking de pértega na súa categoría. Subcampión galego absoluto en aire libre
Santi Ferrer	4.40	Absoluto	S.G. Pontevedra	Bronce no campionato galego de pista cuberta. Cinco veces campión galego en pértega ao aire libre e seis en pista cuberta. Campión de España sub16. Plusmarquista autonómico sub16 e sub18.
Aitor Fernández	4.55	Sub20	Club Atletismo Narón	Bronce de España sub20 en decathlón. Foi coa selección galega absoluta en pértega
Tomás López	4.60		CA Sada	Campión galego absoluto en pista cuberta e aire libre
Luis Moro	5.60	Absoluto	Alcampo Scorpio 71	Campión de España Absoluto en 2006. Plusmarquista autonómico con 5,60m. Primeiro atleta galego en saltar 5m.

Horario aproximado

O evento comezará ás 19:30h da tarde na Praza da Ferrería co salto de lonxitude. Cada atleta realizará catro intentos. Sobre ás 20:00h espérase que empece o triplo salto, tamén con catro ocasións para cada deportista. Media hora máis tarde comezaría o salto con pértega, onde veremos como os atletas sobrevoan o ceo de Pontevedra e alcanzarán alturas de ata cinco metros. Prevese que as 21:00h termine o evento.

Cara y cruz para los atletas de la Sociedad Gimnástica de Pontevedra en Munich

El Campeonato de Europa de Atletismo se ha disputado en Munich, Alemania, entre el 15 y el 21 de agosto. Allí han competido Iñaki Cañal en los 400ml y en el relevo 4×400 y Antía Chamosa en los 35km marcha.

Mejor marca personal y récord de España.

Iñaki Cañal ha firmado un sobresaliente campeonato en su debut en un europeo de aire libre. En la prueba individual ha sido el único atleta español en pasar a las semifinales de los 400ml. Para clasificarse, quedó tercero en la eliminatoria y batió su registro personal en 45.84. Esta nueva marca supone una nueva plusmarca asturiana absoluta y nuevo récord del club en la distancia. No puso pasar a la final tras quedar sexto en su semifinal con 46.10.

En los relevos 4×400 no participó en la semifinal y en su lugar compitió Manuel Guijarro. Sin embargo, el atleta de la Sociedad Gimnástica de Pontevedra sí estuvo en la final. El cuarteto formado por él, Lucas Búa, Óscar Husillos y Samuel García con 3:00.54 ha batido un nuevo récord de España, pero solo les ha bastado para ser cuartos y quedarse a las puertas del pódium. No han podido con Gran Bretaña (oro), Bélgica (plata) y Francia (bronce).

Chamosa contra los problemas estomacales

Mala suerte ha tenido Antía Chamosa. En la prueba de los 35km marcha, donde debería estar entre las diez primeras por marca, ha sufrido problemas estomacales que le han complicado competir en plenas facultades.

A partir del décimo quilómetro ha empezado a encontrarse mal y ha tenido que parar a vomitar varias veces; pero su cabezonería ha hecho que luchase contra sí misma para terminar la prueba. Ha vivido un auténtico infierno para cruzar la línea de meta. Finalmente ha sido 15ª en su debut en un Campeonato de Europa Absoluto.

En el cómputo global, los atletas de la selección española han realizado una magnífica actuación. Han conseguido una tercera posición en el medallero con un total de 10 medallas. De ellas, cuatro han sido de oro, tres de plata y tres de bronce.

« Entradas más antiguas