Queda menos dun mes para a celebración da edición 2026 do clásico Gran Fondo Caixabank. Será o 18 de outubro cando milleiros de atletas tomarán a saída dende a Ponte dos Tirantes de Pontevedra en distintas categorías e distancias para desfrutar dunha proba que este ano introduce modificacións relevantes no trazado da proba.
Concretamente, o cambio afectará ó tramo final da segunda volta, cando se enfronten ós últimos metros antes de chegar ó final da carreira, na pista de atletismo do CGTD (Centro de Galego de Tecnificación Deportiva).
En edicións anteriores, os atletas chegaban á rotonda da Ponte dos Tirantes e continuaban pola rúa Padre Gaite. A continuación, accedían pola rúa Padre Fernando Olmedo ó portalón situado na zona de meta da pista de atletismo. Unha vez dentro da pista, os participantes incorporábanse á calle 1 e debían completar prácticamente unha volta á pista antes de cruzar a liña de chegada.
Nesta edición, O ACCESO SERÁ DISTINTO. Ó chegar á rotonda da Ponte dos Tirantes, os corredores tomarán a rúa José Malvar e entrarán no recinto do CGTD polo portalón situado aproximadamente nos 200 metros da pista de atletismo. Dende ese acceso, incorporaranse á calle 1 e dirixiranse directamente á liña de meta.
A modificación permitirá, polo tanto, un acceso máis directo á pista nos últimos metros do Medio Maratón e suporá tamén unha mellora dende o punto de vista de seguridade do circuito. Co novo trazado elimínase a necesidade de dividir en dous carrís o portalón de acceso situado na zona de meta, que pasará a funcionar como un único carril, o que simplifica o tramo final para os participantes e mellora a organización dos pasos nun dos puntos máis sensibles do percorrido.
Dende a organización recomendamos a participantes e público prestar especial atención a esta novidade, xa que afecta a un dos puntos máis destacados da proba: o acceso ó CGTD e a entrada a meta.
Vémonos o 18? Aínda estades a tempo de inscribirvos nesta recta final! Agardámosvos!!
Un ano máis, a Sociedad Gimnástica de Pontevedra únese á Carreira de Leo e ao Miler Vintage Running Club para promover o deporte e a solidariedade da man do noso adestrador, Manuel “Huracán” Hurtado e Víctor Riobó.
Será este mesmo xoves, 17 de setembro, ás 20:00 horas, cando todos os corredores, de calquera nivel, poderán desfrutar dunha rodaxe xuntos, co punto de quedada na Ponte dos Tirantes (Pontevedra).
Esta xuntanza servirá ademáis, para dar visibilidade á Carreira de Leo, que se celebrará o día 4 de outubro en Meis, destinando os fondos recadados este ano á Asociación Galega de Terapia Ocupacional e á Asociación CTNNB1, e ó Medio Maratón de Pontevedra, organizado pola Gimnástica, que será o 18 de outubro.
Lembrámosvos que a rodaxe deste xoves está pensada para calquera nivel, co único obxectivo de compartir kilómetros sen un caráter competitivo, senon solidario coa iniciativa.
A alianza entre a Carreira de Leo, a Sociedade Ximnástica de Pontevedra e o Club Miler pretende poñer en valor a capacidade do atletismo para xuntar persoas, clubs e proxectos diferentes arredor dun mesmo deporte. Unha colaboración que busca tamén aproveitar a forza das respectivas comunidades de corredores para dar visibilidade ás dúas probas.
Desde a organización da Carreira de Leo destacan que esta colaboración é unha maneira de demostrar que o deporte pode ir máis alá da competición: “Queremos unir forzas, compartir quilómetros e demostrar que cando clubs e carreiras traballan xuntos, o deporte ten unha capacidade enorme para xerar comunidade e provocar cambios”.
Dende a Gimnástica, agradecemos á Carreira de Leo que conten un ano máis con nós para realizar esta posta a punto e dar visibilidade á iniciativa solidaria e animámosvos a achegarvos este xoves á Ponte dos Tirantes, ás 20:00 horas, para pasar un bo rato de atletismo xuntos. Non precisades ter un determinado nivel. Só ganas de correr facendo equipo todos xuntos.
Hoxe é 02 de setembro. Unha data calquera quizás, pero non para a Gimnástica. Hoxe hai 99 anos que un grupo de deportistas decidían fundar a que chamarían “Sociedad Gimnástica de Pontevedra”, sen saber (ou sí) que un día como hoxe, no futuro no que imaxinaban que os coches voarían como un disco ou un saltador de lonxitude, estaríamos comezando a conta atrás para celebrar o centenario.
Nestes case 100 anos podemos presumir de club senlleiro, de referencia, de nomes que coñeceu todo o mundo. De probas populares, profesionais, de exhibicións e, sobre todo, dun enorme traballo de promoción do atletismo, e todo esto terá un sabor de celebración no ano 2027.
Hoxe comezamos a conta atrás preparando un centenario para o recordo, unha homenaxe a todos eles, os que estiveron, os que están e os que virán despois de nós. Somos da xeración que ten a gran sorte de poder vivilo e celebralo.
Xa vos anunciamos que en xaneiro do 2027 seremos os encargados de organizar o Campionato de España de Short Track en Ourense, pero seguide atentos porque veñen sorpresas que nos van unir aínda máis dentro e fóra do deporte, sempre con este como referencia. Ó final, foi o deporte o que nos xuntou hai 99 anos. Contamos con tervos connosco igual que estivéstedes en todo este tempo. 3, 2, 1… Camiño ó centenario!
Esta fin de semana tiñamos moitas cousas que contarvos e que celebrar, pero non esquecemos que aínda tiñamos pendente contarvos a última xornada do Circuito Froiz de Atletismo en Pista 2026.
A asistencia da proba foi numerosa, pero viuse mermada ante a dificultade de moitos atletas para chegar debido a algún contratempo de tráfico que fixo que non chegasen a tempo para participar nas probas. Contratempos que tamén afectaron a parte dos xuíces, que tiveron que comezar as súas labores algo máis tarde do habitual.
Aínda así, todos os que conseguiron chegar fixeron moi bos papeis nas últimas probas. Destacaron, por exemplo, Matías Moldes, primeiro na pértega superando o listón en 4.20 metros, Carmen Paz, que foi a máis rápida na súa serie do 200 metros lisos e remata cunha nova mellor marca persoal (12.70) ou David de la Fuente, que fora atleta da Gimnástica, agora no Playas de Castellón, que fixo nova mellor marca persoal no 3000 metros lisos, agora en 07:56:08.
Pero se houbo un protagonismo claro esa tarde, foi na última proba. O equipo de remudas masculino de 4×400 formado por David Abalde, Sergio Rodríguez, Alexis Miguéns e Xabi Lires tiña un obxectivo claro: o récord galego. E cumpriron! Eles catro son agora os posuidores do novo récord da disciplina, que dende o venres está en 03:12:26.
Dende o club felicitamos a todos os atletas que cumpriron obxectivos no Circuito deste ano, ós que se superaron e a todos os que non o conseguiron pero aprenderon para seguir mellorando.
Agradecemos tamén a Froiz polo seu apoio ó deporte unha vez máis e a todos os colaboradores, así como ó Concello de Pontevedra e ó Servizo de Deportes por un ano máis de atletismo en pista.
A seguinte parada será a exhibición do Saltar na Rúa, o 29 de agosto, na Ferrería. Vémonos alí!
Tiñamos moitos frentes abertos esta fin de semana.
Por un lado, Logroño, cos seis gimnásticos convocados pola Seleción Galega para o Campionato de España por Selecións Autonómicas. A seleción galega conseguiu o sexto posto, e os nosos atletas deixaron claro por qué son nomes habituais nas convocatorias. Como non podía ser doutro xeito, Dani Chamosa foi o estandarte do club, co seu primeiro posto nos 5000 metros marcha volvendo á competición tras unhas semanas de recuperación por mor dunha lesión. Destacaron tamén as actuacións de Cris Garrido, que fixo dobrete no 100 metros lisos e ademais como membro do equipo de remuda mixta da mesma distancia como tamén fixeron sus compañeiros, Alexis Miguéns e Lara López, que formaron parte do equipo de remudas mixtas do 4×400.
O día seguinte foi o turno para a seleción galega sub18 e repetiron o posto conseguido pola absoluta, o sexto posto, con actuacións destacadas de Carmen Paz, terceira na súa serie do 200 metros lisos ou o oitavo posto conseguido por Miguel Ángel López no lanzamento de peso.
Mentres os selecionados competían en Logroño, Ourense volvía ser o centro do atletismo autonómico. Concretamente, Pereiro de Aguiar, unha pista xa coñecida polos nosos atletas. Era o turno dos sub20 e sub23 para disputar o Campionato Galego en Aire Libre das súas categorías e, coma sempre, baixo un sol de xustiza, houbo chuvia de medallas.
En categoría sub20, Gema Dacosta, en progresión constante, fixo dobrete nos lanzamentos. No disco subiu ó segundo caixón do podio para recoller a súa prata pero foi no lanzamento de peso onde se fixo co título autonómico. O seu compañeiro de lanzamentos, Eloy Acuña, fixo dobrete de primeiros postos, no lanzamento de disco e no de peso. Seguindo co éxito nos lanzamentos, neste caso no de disco, foi segunda Paloma Puig. Lucas Pena comeza a ver os resultados do traballo duro e a constancia, subindo ó podio como campión no 3000 metros lisos e como subcampión do 800 onde ademais conseguir unha nova mellor parca persoal. Outra asidua dos podios, Sabela Martínez, tamén subiu a dous podios na xornada, o primeiro posto nos 3000 metros lisos e o segundo no 800, onde foi a súa compañeira, María Estévez, quen cruzou a meta por diante. O ouro autonómico tamén foi a parar ás mans de Xabi Lires no 400 metros valos, e outra atleta en progresión estratosférica, Lucía Sánchez del Valle, tamén se fixo co título autonómico no salto de lonxitude.
Sen embargo, non quedaba aí a fin de semana de competicións. Ata Madrid foron os nosos máster para disputar o Campionato de España e, de novo, deixaron claro que non perdem a forma.
Sergio Rodríguez voltou a ser o protagonista da xornada. Dobrete de ouros no 200 e no 400, establecendo en ambas distancias o novo récord dos campeonatos e, no caso do 400, tamén o novo récord galego máster35 da distancia.
Non quedou atrás o noso adestrador, Santi Ferrer, campión de España de salto con pértega en categoría máster35. Outro dos asestradores e tamén asiduo dos podios máster, Julio Ventín, foi subcampión en lanzamento de disco máster60, e campión no lanzamento de martelo, participando co noso filial, o Sada.
Outra medalla en pértega conseguiuna Penélope Barreiro, esta vez en categoría máster45.
Nesta ocasión un dos nosos atletas estreou a categoría máster da mellor das maneras. Carlos Revuelta chega pisando forte levando o título naciona da categoría no lanzamento de martelo.
E o final a estas xornadas de competición puxérono os pequenos sub14 en Vigo, co seu campionato galego de clubs onde o combinado masculino foi bronce e o feminino conseguiu o quinto posto.
Onte foi mércores de xornada de Circuito Froiz de Atletismo en Pista nesta edición de 2026 e foi mércores de Memorial Celso Mariño, penúltima proba.
Os atletas desta vez tamén tiveron que facer fronte á climatoloxía, pero neste caso para sobrelevar unha calor sufocante que favoreceu nesta ocasión ós velocistas, como se comprobou coa cantidade de mellores marcas persoais que se acadaron durante a tarde. Cris Garrido, unha das caras habituais no equipo absoluto da Gimnástica e varias veces campioa galega do 100 metros lisos mellorou a súa marca na disciplina, deixándoa agora en 12.02, na súa volta tras unha lesión que a tivo afastada da pista durante uns meses. Melloraron as súas marcas tamén, entre outros, Diego Acuña, ou os equipos de remudas de 4×100 da Gimnástica tanto feminino como masculino.
Non só os corredores melloraron marcas na xornada de onte. Tamén nos lanzamentos chegaron boas novas, como a nova mellor marca persoal de Gema Dacosta no lanzamento de disco dun kilo, que enviou o artefacto a 37.26 metros.
De novo unha moi boa xornada de atletismo para mellorar e aprender pero, sobre todo, para conseguir continuidade e desfrutar do atletismo xuntos. A seguinte parada, última do Circuito deste ano, será en venres, concretamente o 17 de xullo. Vémonos alí!
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
