Menudo comezo de tempada para os canteiráns do club… Esta pasada fin de semana os equipos sub16 masculino e feminino chegaron á Malata coa intención de seguir a estela dos equipos absolutos e deixaron claro que nada lles teñen que envexar.
O equipo masculino impúxose, pelexando a o último momento, levando o título de Campións galegos por clubs, grazas a actuacións como as de Martín otero, primeiro no 600 metros lisos, igual que Martín Saavedra, que repetiu posto no 300 lisos ou Luis Durán, que tamén foi o máis rápido nos 100. Mateo Miñán no 3000 metros marcha ou Mario Tegegn Míguez no 300 metros valos, foron segundos, igual que Diego Acuña, que asinou o mesmo posto no salto de lonxitude. Como xa é costume, a remuda 4×100 foi a máis rápida, con moitísima autoridade, cun equipo formado por Nico Piñeiro, Diego Acuña, Luis Durán e Michel Manuel Justo.
O equipo sumou un total de 72 puntos que lles fixeron festexar o título autonómico ó final da xornada.
Pola súa parte, o equipo feminino proclamouse Subcampión galego por clubs grazas ós 129 puntos conseguidos grazas á aportación de atletas como Matilda Veiga, primeira no 300 metros valos, Isa Caeiro que foi segunda no 3000 marcha, posto que tamén conseguiu Lena Currás no salto de lonxitude ou Ángela Moldes ou Lía Vázquez, terceiras en triplo salto e salto con pértega, respectivamente.
Parabéns a todos eles. Un ano máis no máis alto dos podios autonómicos! Seguimos traballando!
Queda menos dun mes para a celebración da edición 2026 do clásico Gran Fondo Caixabank. Será o 18 de outubro cando milleiros de atletas tomarán a saída dende a Ponte dos Tirantes de Pontevedra en distintas categorías e distancias para desfrutar dunha proba que este ano introduce modificacións relevantes no trazado da proba.
Concretamente, o cambio afectará ó tramo final da segunda volta, cando se enfronten ós últimos metros antes de chegar ó final da carreira, na pista de atletismo do CGTD (Centro de Galego de Tecnificación Deportiva).
En edicións anteriores, os atletas chegaban á rotonda da Ponte dos Tirantes e continuaban pola rúa Padre Gaite. A continuación, accedían pola rúa Padre Fernando Olmedo ó portalón situado na zona de meta da pista de atletismo. Unha vez dentro da pista, os participantes incorporábanse á calle 1 e debían completar prácticamente unha volta á pista antes de cruzar a liña de chegada.
Nesta edición, O ACCESO SERÁ DISTINTO. Ó chegar á rotonda da Ponte dos Tirantes, os corredores tomarán a rúa José Malvar e entrarán no recinto do CGTD polo portalón situado aproximadamente nos 200 metros da pista de atletismo. Dende ese acceso, incorporaranse á calle 1 e dirixiranse directamente á liña de meta.
A modificación permitirá, polo tanto, un acceso máis directo á pista nos últimos metros do Medio Maratón e suporá tamén unha mellora dende o punto de vista de seguridade do circuito. Co novo trazado elimínase a necesidade de dividir en dous carrís o portalón de acceso situado na zona de meta, que pasará a funcionar como un único carril, o que simplifica o tramo final para os participantes e mellora a organización dos pasos nun dos puntos máis sensibles do percorrido.
Dende a organización recomendamos a participantes e público prestar especial atención a esta novidade, xa que afecta a un dos puntos máis destacados da proba: o acceso ó CGTD e a entrada a meta.
Vémonos o 18? Aínda estades a tempo de inscribirvos nesta recta final! Agardámosvos!!
Un ano máis, a Sociedad Gimnástica de Pontevedra únese á Carreira de Leo e ao Miler Vintage Running Club para promover o deporte e a solidariedade da man do noso adestrador, Manuel “Huracán” Hurtado e Víctor Riobó.
Será este mesmo xoves, 17 de setembro, ás 20:00 horas, cando todos os corredores, de calquera nivel, poderán desfrutar dunha rodaxe xuntos, co punto de quedada na Ponte dos Tirantes (Pontevedra).
Esta xuntanza servirá ademáis, para dar visibilidade á Carreira de Leo, que se celebrará o día 4 de outubro en Meis, destinando os fondos recadados este ano á Asociación Galega de Terapia Ocupacional e á Asociación CTNNB1, e ó Medio Maratón de Pontevedra, organizado pola Gimnástica, que será o 18 de outubro.
Lembrámosvos que a rodaxe deste xoves está pensada para calquera nivel, co único obxectivo de compartir kilómetros sen un caráter competitivo, senon solidario coa iniciativa.
A alianza entre a Carreira de Leo, a Sociedade Ximnástica de Pontevedra e o Club Miler pretende poñer en valor a capacidade do atletismo para xuntar persoas, clubs e proxectos diferentes arredor dun mesmo deporte. Unha colaboración que busca tamén aproveitar a forza das respectivas comunidades de corredores para dar visibilidade ás dúas probas.
Desde a organización da Carreira de Leo destacan que esta colaboración é unha maneira de demostrar que o deporte pode ir máis alá da competición: “Queremos unir forzas, compartir quilómetros e demostrar que cando clubs e carreiras traballan xuntos, o deporte ten unha capacidade enorme para xerar comunidade e provocar cambios”.
Dende a Gimnástica, agradecemos á Carreira de Leo que conten un ano máis con nós para realizar esta posta a punto e dar visibilidade á iniciativa solidaria e animámosvos a achegarvos este xoves á Ponte dos Tirantes, ás 20:00 horas, para pasar un bo rato de atletismo xuntos. Non precisades ter un determinado nivel. Só ganas de correr facendo equipo todos xuntos.
Hoxe é 02 de setembro. Unha data calquera quizás, pero non para a Gimnástica. Hoxe hai 99 anos que un grupo de deportistas decidían fundar a que chamarían “Sociedad Gimnástica de Pontevedra”, sen saber (ou sí) que un día como hoxe, no futuro no que imaxinaban que os coches voarían como un disco ou un saltador de lonxitude, estaríamos comezando a conta atrás para celebrar o centenario.
Nestes case 100 anos podemos presumir de club senlleiro, de referencia, de nomes que coñeceu todo o mundo. De probas populares, profesionais, de exhibicións e, sobre todo, dun enorme traballo de promoción do atletismo, e todo esto terá un sabor de celebración no ano 2027.
Hoxe comezamos a conta atrás preparando un centenario para o recordo, unha homenaxe a todos eles, os que estiveron, os que están e os que virán despois de nós. Somos da xeración que ten a gran sorte de poder vivilo e celebralo.
Xa vos anunciamos que en xaneiro do 2027 seremos os encargados de organizar o Campionato de España de Short Track en Ourense, pero seguide atentos porque veñen sorpresas que nos van unir aínda máis dentro e fóra do deporte, sempre con este como referencia. Ó final, foi o deporte o que nos xuntou hai 99 anos. Contamos con tervos connosco igual que estivéstedes en todo este tempo. 3, 2, 1… Camiño ó centenario!
A previsión daba lugar a algo de esperanza e agardábamos unha tarde nublada, perfecta para unha exhibición como a que nos esperaba. Finalmente non houbo sorte e a edición de aniversario do Saltar na Rúa foi baixo a chuvia.
Malia as inclemencias do tempo, todos os atletas convocados fixeron gala da súa profesionalidade para dar o mellor dos espectáculos que, se ben frustrou algún intento, fixeron as delicias de todos os que desafiaron á chuvia e viñeron compartir con nós unha tarde de atletismo. Axudou tamén a paixón do noso comentarista, Juan Carlos Higuero, que coa súa característica voz axudou a achegar a moitos curiosos para animar coas palmas a todos os atletas.
Sen dúbida, unha edición do Saltar na Rúa diferente, máis difícil do habitual, pero coa mesma ilusión e paixón polo atletismo que sempre. Dende o club queremos agradecer ós atletas polo esforzo, a Higuero pola paixón e profesionalidade e a todos os voluntarios do club que unha vez máis fixeron equipo dando o mellor.
E ollo, porque chova ou non… O ano que vén voltamos co Saltar na Rúa en plena celebración do centenario… Quedades avisados, que a bo entendedor…
Xa é unha cita clásica do verán pontevedrés e este ano está de décimo aniversario!. O 29 de agosto a partir das 19:30 horas a praza da Ferrería de Pontevedra voltará convertirse nunha pista de atletismo para que todo o que queira achegarse desfrute dunha auténtica exhibición.
Os que viñeron acompañarnos nos anos anteriores saben que é un espectáculo ver o salto de lonxitude, o triplo salto e o salto con pértega a escasísimos metros, como nunca antes, nunha das prazas máis icónicas e fotografadas da nosa cidade.
Teremos con nós a campións galegos, top10 nacionais, campións de Portugal e todo para que vos abraiedes vendo o que nós vemos dende a pista.
Ademais, este ano, teredes unha narración de auténtico luxo: o olímpico Juan Carlos Higuero. Ninguén mellor que un atleta de tantísimo nivel (10 veces campión de España, campión de Europa, bronce mundial e cuarto nos Xogos de Pekín) e que, ademais, ten unha amplísima experiencia na narración de eventos de atletismo. Sen dúbida, unha aportación de moitísimo valor para que todos desfrutedes e aprendades un pouquiño máis sobre este deporte.
Atención ás nosas redes as próximas semanas para descubrir máis detalles…
Contamos convosco para ver de qué son capaces este ano? Vémonos no Saltar na Rúa!
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
