Rematado o Medio Maratón con récord de inscricións, a Gimnástica continúa en activo para a celebración da segunda edición do Cros Cidade de Pontevedra. Tras o éxito acadado o ano pasado na súa primeira edición, a Illa das Esculturas será de novo o lugar de encontro para os amantes do barro.
A cita será o próximo domingo, 09 de novembro de 2025, onde participantes de todas as categorías voltarán a desfrutar do circuito, das curvas e, ó millor, da chuvia, como na anterior edición.
Toda a información sobre inscricións e regulamento, aquí.
Non podía ser doutro xeito. Este ano, por noveno consecutivo (nin a pandemia o parou), a Gimnástica celebra unha nova edición da exhibición de atletismo co Saltar na Rúa 2025.
De novo a Praza da Ferrería será testemuña do espectáculo do salto de lonxitude, do triplo salto e do salto con pértega e os espectadores poderán comprobar moi de preto a dificultade destas disciplinas neste lugar emblemático da cidade de Pontevedra.
Atención ás redes sociais nos próximos días, porque iremos desvelando ós poucos os atletas que vos farán desfrutar das distintas modalidades de saltos a partir das 19:30 horas. Agardamos vervos a todos alí un ano máis!
Chegou o día. Este venres 18 de xullo a Gimnástica pechou a edición 2025 do Circuito Froiz de Atletismo en Pista, cunha xornada de atletismo onde se puxeron a proba numerosos atletas de distintos equipos.
Os máis pequenos disputaron a distancia de 500 metros lisos, pero moitos dos gimnásticos fixeron doblete en pértega e lonxitude, ou no 1500 e no 400 metros lisos. A xornada foi moi fructífera para quen tiña como obxectivo mellorar a súa marca pesoal, como pudo conseguir o gimnástico Sergio Lamas . Moitos tamén aproveitaron para probarse en disciplinas e distancias que non son as súas habituais, como é o caso de Jovi Artime ou de Guille Piñeiro que, sendo normalmente corredores de valos, esta vez probaron sorte no salto de lonxitude. Na parte de lanzamentos, celebrouse nesta xornada o lanzamento de disco ou de xavelina de distintos pesos e categorías, onde destacaron Cristina Martínez, que conseguiu unha nova mellor marca persoal no lanzamento de disco de e00 gramos ou Banesa Currás, que tamén mellorou a súa marca na disciplina.
Esta edición do Circuito será recordado por moitos motivos, pero especialmente pola marca persoal conseguida polo ximnástico Pedro Osorio hai unhas semanas e que o achegaba á mínima para poder estar na terna para formar parte da Selección Española no Mundial de Tokio. Tamén fumos testigos, durante este circuito, da consecución, por parte de moitos dos nosos atletas das mínimas que lles daban acceso ós Campionatos de España das súas respectivas categorías, onde fixeron un grande papel representando ó club.
Sen dúbida, unha edición máis onde queda patente o traballo realizado polos atletas, así como os seus familiares, sempre na grada apoiando e facilitándolles a práctica do atletismo, e dos entrenadores e persoal do club, dando todos eles o mellor de sí mesmos para a mellora de cada un dos aspectos do deporte.
Pechamos así unha nova edición do Circuito Froiz de Atletismo en Pista dando as gracias a Froiz, polo seu patrocinio e ó Concello de Pontevedra polo apoio prestado unha vez máis, así como ás personalidades que se foron achegando a algunhas das xornadas.
Vémonos o ano que vén, pero xa vos avisamos que o 23 de agosto tedes unha nova cita co atletismo na exhibición do Saltar na Rúa 2025! Estade atentos!!
De novo o CGTD foi o escenario da tarde de competición do Circuito Froiz 2025, unha tarde con vento que fixo a xornada máis agradable tanto para atletas como para os espectadores que se achegaron a desfrutar do atletismo de todas as categorías.
Na xornada de onte destacaron atletas como a marchadora Alba Pérez, a mellor no 3000 metros marcha con diferencia. Ademais, o seu compañeiro, Mateo Miñán, repetiu como gimnástico máis rápido na distancia de marcha e, ademais, conseguir o seu mellor rexistro persoal (15:05:85).
Destacaron tamén os lanzadores, que a pesar do vento puideron executar moi bos lanzamentos, como o de Banesa Currás en peso, con nova marca persoa tras enviar o artefacto ata os 10.36 metros, ou Víctor Gallego, que foi o mellor na mesma disciplina en categoría masculina. Eloy Acuña tamén foi o mellor en lanzamento de peso de 6kg, igual que Helena Rey (primeira) e Cristina Martínez Lariño (segunda) no lanzamento de peso de 3kg.
Os velocistas foron maioría na tarde de onte, onde destacaron atletas como Nico Piñeiro, que foi o mellor na final 4 do 100 metros lisos e que, ademais, conseguiu unha nova mellor marca persoal na distancia, 12.50 segundos. Nico máis tarde sería ademais o segundo mellor tempo na final do 300 metros lisos. Seu compañeiro, Sergio Lamas, foi tamén o mellor na súa serie e tamén consigue a súa nova mellor marca persoal, con 12.82. No caso das rapazas, a mellor gimnástica da tarde no 100 metros lisos foi Icíar Cardona, segunda na final 3 e tamén con nova mellor marca persoal (13.34).
Durante a tarde tamén se disputou unha das distancias que máis alegrías está dando últimamente ó club, o 800 metros lisos. Esta vez foi Sabela Martínez, a flamante Subcampioa de España na distancia en categoría sub18, quen cruzou primeira a liña de meta, seguida moi de preto polas súas compañeiras de equipo, Paula de la Torre e María Estévez, que ven de conseguir o bronce nacional, como Sabela, na distancia de 2000 metros lisos.
O mellor gimnástico no triplo salto esta vez foi Isaac Casal, segundo, e en categoría feminina a mellor do club foi Marina Artemia Pérez, que foi terceira, seguida por Irati Legazpi.
Con eso se puxo fin á penúltima xornada da edición 2025 do Circuito Froiz de Atletismo en Pista, que terá a súa última parada o próximo venres 18 de xullo, de novo nas pistas do CGTD de Pontevedra, para celebrar o XLIX Trofeo Virxe Peregrina. Vémonos a semana próxima!!
O Circuito Froiz de Atletismo en Pista 2025 chega ó seu ecuador. Nunha xornada na que os chubascos intermitentes e o vento puxeron as cousas difíciles ós atletas, todos competiron dando o mellor de sí.
Cabe destacar a mellor marca persoal conseguida por Valeria Barros no lanzamento de pelota, Cayetana Diz no 1000 metros lisos ou Lía Vázquez, no salto con pértega, que vén ademais de proclamarse a sexta mellor atleta nacional no Triatlón A do Campeonato de España sub14, que se celebrou a pasada fin de semana en Albacete. Non se conformou só con mellorar o seu rexistro na pértega, senon que fixo o mesmo minutos máis tarde no 80 metros valos, deixando agora o seu mellor tempo en 13 segundos exactos.
Nos valos tamén houbo moitas melloras por parte dos nosos atletas masculinos. No 80 metros foron Paio Estévez, Luis Durán e Ángel Carragal quenes melloraron os seus rexistros, e no 100 (a 0.91) foron Iago Gómez, Mario Tegegn e Ángel Moldes quenes estableceron as súas novas marcas persoais.
Destacar nesta xornada as novas marcas persoais conseguidas por Pablo Ulla e Alejandro Santos no 1500. Pablo fora lebre de Pedro Osorio na anterior xornada, onde o naronés conseguira pulverizar a súa marca persoal no 800 e nesta xornada foi Osorio quen axudou a Pablo a conseguir o seu obxectivo de mellora nesta carreira. Sen dúbida, forman un gran tándem dentro da pista nas distintas distancias nas que participan. Alejandro, ademais, conseguiu con esta nova mellor marca a mínima para o Campionato de España.
Nesta xornada non houbo proba de marcha atlética, onde habitualmente participan Dani e Antía Chamosa. Dani, quen despois de todo o acadado este ano, ven de rexistrar un novo récord galego no Gran Premio Cantóns celebrado na Coruña a pasada fin de semana, agora ve a recompensa de estar, xunto coa súa irmá, de estar na lista de convocados da Real Federación Española de Atletismo, que se fixo pública na mañá de hoxe, para estar no Mundial de Tokio que se celebrará do 13 ó 21 de setembro.
Dende o club, parabéns non só os irmáns Chamosa pola convocatoria para o Mundial, senon tamén para todos os atletas que participaron nesta dura xornada de atletismo. A próxima cita será o mércores 09 de xullo, co XXVI Memorial Celso Mariño. Vémonos no CGTD para seguir desfrutando do deporte!
Esta fin de semana do 31 de maio e 01 de xuño case todas as categorías e atletas disputaron os seus títulos autonómicos e provinciais, demostrando estar en perfecntísimo estado de forma na recta final da tempada de aire libre.
Ata Ferrol foron os atletas de Combinadas, onde o gimnástico Paco Lamas proclamouse Campión Galego de Combinadas en categoría sub20, conseguindo ademais algunha nova marca persoal, como a do 100 metros lisos no decathlon.
Na casa xogaron os nosos atletas sub18. O CGTD foi o lugar onde disputaron o autonómico ó aire libre da súa categoría. Os ouros e, polo tanto, os títulos de Campións galegos conseguíronos Isaac Casal en triplo salto, Sabela Martínez no 1500, Paula Fernández o 3000 metros lisos e Guille Piñeiro no 110 metros valos. Guille e Isaac ademais subiron unha segunda vez ó primeiro posto do podio para recoller o ouro conseguido polo equipo de relevos masculino 4×100, formado tamén por Pablo Coladas e Óscar Otero.
Irati Legazpi no salto de lonxitude foi a única prata conseguida na xornada e os bronces foron para Carlota Vázquez, no 100 metros valos, Hugo Collazo e María Estévez no 2000 obstáculos, Noa Currás no triplo salto e Álvaron Fontán no salto con pértega.
Tamén foi fin de semana de competición para os máis pequenos, que foron ata Vigo para disputar a final provincial do Xogade. Destacou Alicia Gallego, que fixo o dobrete cos seus primeiros postos de salto de altura e lonxitude, ademais de recoller o bronce conseguido polo relevo do que formou parte. Tamén subiu ó podio, pero desta vez para recoller a prata, Sabela Coejo, que fixo un gran traballo no lanzamento de pelota, e no terceiro peldaño do podio estiveron Lidia Laredo (400 metros lisos), Cayetana Diz (lanzamento de pelota) e os atletas do relevo 4×50 mixto, Xoel Moledo, Lidia Laredo, Alicia Gallego e Cayetana Diz.
Os máster tamén demostraron ser un exemplo para todos os que veñen detrás. Ata Santiago chegou o equipo para disputar o seu Campionato Galego, volvendo a casa cun estupendo balance.
Conseguiron o título autonómico Víctor Gallego en lanzamento de peso e disco, compartindo ademais podio co seu compañeiro, Imanol Cardona, que foi segundo en ambas disciplinas, e con Santi Ferrer Alonso, bronce en peso. Santi Ferrer conseguiu tamén o título autonómico en salto con pértega e no 110 metros valos, como tamén fixo Imanol Cardona, que recolleu o seu ouro ó ser o máis rápido no 400 metros lisos. Helena rey foi a mellor en lanzamento de peso e Banesa Currás fixo o propio en disco. Miguel de Jesús conseguiu ser o mellor no salto de lonxitude como tamén fixo Esperanza Caldas no 400 metros lisos e Carlos Sánchez en peso. O último ouro máster foi para Loreto Brea en lanzamento de martelo e martelo pesado.
As pratas chegaron, ademais de con Imanol Cardona, con Noelia Rivadulla (100 metros lisos), Santi Ferrer Moreira en lanzamento de peso e disco, Ángel Moldes fixo doblete levando as pratas nos 100 metros lisos e no 100 metros valos e conseguiu o bronce no salto de lonxitude. Miguel de Jseús foi segundo tamén no 100 metros lisos, Sandra Carballo foi o segundo mellor lanzamento no disco e Paco Suárez foi o segundo mellor tempo no 1500.
Sen dúbida unha fin de semana onde pudimos comprobar o excelente estado de forma de todas as categorías do noso club e o enorme traballo realizado por todos os atletas e adestradores. Parabéns a todxs!
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
