Sub18 | Sociedad Gimnastica de Pontevedra

La espada de Antía y Dani, San Martiño y el II Cros en Pontevedra

Este pasado fin de semana (07 y 08 de noviembre) estuvo lleno de eventos para nuestros atletas.

Por un lado, recién llegados de sus más que merecidas vacaciones tras su participación en el Mundial de Tokio, los hermanos Chamosa recalaron en Toledo para disputar una de las pruebas clásicas del calendario de la marcha atlética: la Espada Toledana. Demostraron que continúan en la mejor forma dentro del panorama nacional consiguiendo Antía proclamarse campeona imponiéndose con autoridad respecto al resto de participantes y subcampeón Dani, a menos de un minuto del primer puesto del podio.

Algo más cerca, en Ourense, tenía lugar la Pedestre de San Martiño 2025, donde el protagonista absoluto fue el gimnástico Alejandro Santos, campeón en la categoría sub18, que atravesó la meta en 14:26 minutos. El mejor atleta en la categoría absoluta fue Pablo Bocelo, décimo en una carrera con un ritmo rápido.

Y para terminar el fin de semana de atletismo, la mañana del domingo la Gimnástica fue anfitriona del II Cros Cidade de Pontevedra, que comienza a consolidarse en el calendario gallego para todos los amantes del barro y los circuítos con curvas. En el club tenemos la suerte de contar con atletas especialistas en la disciplina y también con muchos polivalentes, como es el caso de Sabela Martínez, la mejor en categoría sub18, o Candela Lago, la primera en cruzar la meta en sub16. En el caso de los chicos, coparon el podio sub18 los gimnásticos Hugo Dopazo, primero, Hugo Collazo, segundo y Diego José Huerta, tercero. Compartían prueba con sus compañeros sub16 Joaquín González y Leo Simal, primero y segundo de su categoría, respectivamente. Otra de las atletas que lo dominan casi todo, Paula Carabelos fue la mejor en su categoría y su compañero, Iago Gómez fue esta vez segundo.

La prueba estaba enmarcada también dentro del programa Xogade, siendo una de las pruebas zonales. En cadete femenino fue Martina Yubero la mejor atleta del club, atravesando la meta en segundo lugar, y sus compañeros de categoría, Paio Estévez y Mateo Miñan fueron primero y tercero, respectivamente. En infantil femenino destacó Lía Geralavicius, de nuevo en el podio de esta competición y su compañero de categoría, Hugo Cordal fue tercero en su prueba. Gara Fernández fue segunda en alevín femenino y en el caso del masculino el mejor gimnástico fue Teo Castiñeiña, tercero. Por último, aunque fueron de los primeros en tomar la salida, las benjamines Sofía Álvarez y Leire Pallares fueron primera y segunda y Lucas Casalderrey fue cuarto, siendo el primer gimnástico en cruzar la meta.

Enhorabuena a todos!!

(foto: @alexlalovich)

II Cros Cidade de Pontevedra (2025)

Rematado o Medio Maratón con récord de inscricións, a Gimnástica continúa en activo para a celebración da segunda edición do Cros Cidade de Pontevedra. Tras o éxito acadado o ano pasado na súa primeira edición, a Illa das Esculturas será de novo o lugar de encontro para os amantes do barro.

A cita será o próximo domingo, 09 de novembro de 2025, onde participantes de todas as categorías voltarán a desfrutar do circuito, das curvas e, ó millor, da chuvia, como na anterior edición.

Toda a información sobre inscricións e regulamento, aquí.

Éxito absoluto do IX Saltar na Rúa

Onte sábado a Praza da Ferrería foi testemuña dunha edición do Saltar na Rúa como nunca antes. O lugar encheuse de público nunha tarde de temperatura agradable que invitaba á práctica do atletismo e a desfrutar con él.

Puntuais, os saltadores de lonxitude foron os encargados de romper o xeo e comezar unha exhibición que arrincou os aplausos e a admiración dos presentes, de todas as idades, cuns saltos que foron inmortalizados dende todos os ángulos.

Sergio Coello, Unai Loureiro, Henar Suárez, Andrea Villaverde, que foi a primeira en saltar ou a portuguesa e xa boa amiga deste evento, Ana Rita Silva deron o mellor deles para sorprender ó publico e sen dúbida o conseguiron, levando tamén parte dos espectadores unha particular “ducha” de are

Non sabían os alí presentes que no triplo salto chegarían as risas con máis area voando cara eles. Os encargados de deixar ó público case como se remataran de voltar da praia foron, entre outros, Isaac Casal, atleta da Gimnástica que comezou nas Escolas do Club, Ana Rita, que sempre dobra proba, Sergio Coello, que tamén suele participar en ambas disciplinas, Diego Míguez, o actual Campión Galego ou Raúl Cortizo, atleta do club que tamén dobrou nos saltos horizontais desta vez.

E o prato forte, probablemente por ser o máis visible dende calquera lugar, foi o salto con pértega. Nesta ocasión, cabe destacar a participación de dous atletas de Portugal, Filipa Dinis, campioa este ano no seu país, e Diogo Meneses, que foi, sen dúbida, a sensación da tarde. Diogo superou con facilidade todas as alturas chegando o momento álxido cando o listón se colocou nos 5 metros e a praza rompeu en aplausos. Tamén foron aplaudidos o resto de pertiguistas, destacando Manuela Blanco, un auténtico espectáculo na pértega cada vez que vén ó Saltar na Rúa, Aitor Fernández, que fixo crer ós presentes que saltar con pértega e moi sinxelo e a atleta do noso club, Marina Artemia Pérez, que xa participara tamén no salto de lonxitude.

Non podemos estar máis agradecidos a todos os atletas polo esforzo que supón para eles realizar unha exhibición de tal nivel no medio do seu período de descanso e pola actitude tan profesional e á vez de festa e de desfrute que conseguiron contaxiar a todo o público asistente.

Dende o club tamén queremos agradecer a todos os que vos achegástedes a desfrutar con nós do espectáculo dos saltos de atletismo dende moi preto e, sobre todo, polo voso ánimo e os aplausos. Fixéstedes desfrutar a todos os atletas como poucas veces antes.

E, por suposto, unha mención moi especial a todas as persoas voluntarias, entre elas atletas do club, que se achegaron a axudar a preparar un evento que cada ano colle máis forza no verán da nosa cidade.

Comezamos a traballar para a seguinte edición, a DÉCIMA xa, do Saltar na Rúa, e contamos con vós para volver desfrutar do atletimo! Vémonos en 2026!

Fotos SGP

IX Saltar na Rúa – 23 de agosto de 2025. Volve o espectáculo dos saltos á Ferrería!!

Este próximo sábado 23 de agosto, ás 19:30 horas, a Praza da Ferrería de Pontevedra será de novo o incomparable escenario dunha nova exhibición de saltos coa IX edición do Saltar na Rúa.

Para este ano, o cartel preparado para facer gozar a todo o que se achegue está cheo de campeóns nas distintas especialidades, categorías e países para que os espectadores desfruten das disciplinas de saltos do atletismo como nunca antes.

Na emblemática praza daranse cita atletas como Ana Rita Silva, atleta portuguesa especialista en triplo salto e salto de lonxitude, sendo tres veces Campioa Nacional en aire libre e unha en short track (pista cuberta). A última esta mesma tempada. Repite tamén o gimnástico Sergio Coello, especialista tamén en ambas disciplinas, sendo o cuarto mellor saltador do país en lonxitude en short track e o sétimo mellor en aire libre. Tamén fará as dúas exhibicións (lonxitude e triplo salto) o seu compañeiro Raúl Cortizo, que ademáis de ser finalista nacional en numerosas ocasións, é o actual Subcampión Galego de lonxitude en short track e o actual bronce en aire libre.

Na lonxitude teremos tamén ó actual Campión Galego, Unai Loureiro, procedente do Riazor Atletismo.

Isaac Casal, que se estreou o ano pasado na exhibición, é o exemplo do traballo que se realiza nas Escolas do Club. Foi aí onde comezou a súa carreira como atleta e regresa este ano ó Saltar na Rúa como flamante Campión Galego sub18 de triplo salto en aire libre e como subcampión en short track. Ademais, Isaac é habitual nas convocatorias da Selección Galega e ademáis foi un dos atletas que formou parte do equipo que se proclamou Campión Galego por clubs da súa categoría.

Isaac estará compartindo exhibición coa actual Subcampioa Galega de triple salto en aire libre, Alba Martínez, do Ourense Atletismo. Alba compartiu podio cunha Gimnástica, que lle arrebatou o título. Marina Artemia Pérez, fará a exhibición do triplo salto como vixente Campioa Galega, facendo tamén a de pértega, donde ostenta o título de Subcampioa Galega.

Quen se achegue a desfrutar a xornada terá tamén o luxo de ver en acción ó actual Campión Galego Absoluto de salto con pértega, Aitor Fernández, procedente do Superamara BAT. Con él estará tamén Henar Fernández, que foi cuarta nacional de salto con pértega en categoría sub23 e, ademáis, é Campioa de Asturias sub23 en lonxitude. Henar realizará a exhibición de ambas disciplinas durante a tarde.

Dende o país luso non so estará con nós Ana Rita Silva. Tamén recibiremos, na pértega, a Diogo Meneses, cuarto nacional absoluto. Con él estarán os actuais Campións Nacionais sub20 en short track, Filipa Dinís e Luca Cruz. Sendo Luca, ademais, o actual Campión Nacional tamén en aire libre e Filipa a actual Subcampioa.

Sen dúbida vai ser, como cada ano, un auténtico espectáculo que achegará as tres disciplinas de salto do atletismo como nunca antes. Campións e Subcampións reunidos para facer gozar a todo o que pase polo Saltar na Rúa. Agardámosvos!

Volve o espectáculo do atletismo. Volve Saltar na Rúa!

Non podía ser doutro xeito. Este ano, por noveno consecutivo (nin a pandemia o parou), a Gimnástica celebra unha nova edición da exhibición de atletismo co Saltar na Rúa 2025.

De novo a Praza da Ferrería será testemuña do espectáculo do salto de lonxitude, do triplo salto e do salto con pértega e os espectadores poderán comprobar moi de preto a dificultade destas disciplinas neste lugar emblemático da cidade de Pontevedra.

Atención ás redes sociais nos próximos días, porque iremos desvelando ós poucos os atletas que vos farán desfrutar das distintas modalidades de saltos a partir das 19:30 horas. Agardamos vervos a todos alí un ano máis!

XLIX Trofeo Virxe Peregrina – Última xornada Circuito Froiz 2025

Chegou o día. Este venres 18 de xullo a Gimnástica pechou a edición 2025 do Circuito Froiz de Atletismo en Pista, cunha xornada de atletismo onde se puxeron a proba numerosos atletas de distintos equipos.

Os máis pequenos disputaron a distancia de 500 metros lisos, pero moitos dos gimnásticos fixeron doblete en pértega e lonxitude, ou no 1500 e no 400 metros lisos. A xornada foi moi fructífera para quen tiña como obxectivo mellorar a súa marca pesoal, como pudo conseguir o gimnástico Sergio Lamas . Moitos tamén aproveitaron para probarse en disciplinas e distancias que non son as súas habituais, como é o caso de Jovi Artime ou de Guille Piñeiro que, sendo normalmente corredores de valos, esta vez probaron sorte no salto de lonxitude. Na parte de lanzamentos, celebrouse nesta xornada o lanzamento de disco ou de xavelina de distintos pesos e categorías, onde destacaron Cristina Martínez, que conseguiu unha nova mellor marca persoal no lanzamento de disco de e00 gramos ou Banesa Currás, que tamén mellorou a súa marca na disciplina.

Esta edición do Circuito será recordado por moitos motivos, pero especialmente pola marca persoal conseguida polo ximnástico Pedro Osorio hai unhas semanas e que o achegaba á mínima para poder estar na terna para formar parte da Selección Española no Mundial de Tokio. Tamén fumos testigos, durante este circuito, da consecución, por parte de moitos dos nosos atletas das mínimas que lles daban acceso ós Campionatos de España das súas respectivas categorías, onde fixeron un grande papel representando ó club.

Sen dúbida, unha edición máis onde queda patente o traballo realizado polos atletas, así como os seus familiares, sempre na grada apoiando e facilitándolles a práctica do atletismo, e dos entrenadores e persoal do club, dando todos eles o mellor de sí mesmos para a mellora de cada un dos aspectos do deporte.

Pechamos así unha nova edición do Circuito Froiz de Atletismo en Pista dando as gracias a Froiz, polo seu patrocinio e ó Concello de Pontevedra polo apoio prestado unha vez máis, así como ás personalidades que se foron achegando a algunhas das xornadas.

Vémonos o ano que vén, pero xa vos avisamos que o 23 de agosto tedes unha nova cita co atletismo na exhibición do Saltar na Rúa 2025! Estade atentos!!

Fotos SGP

Resultados