Xa son máis de 800 inscritos os que este ano participarán nunha nova edición do Gran Fondo Caixabank. Este evento celebrarase o 15 de outubro a partir das 10:30h. Esta proba deportiva está organizada conxuntamente pola Sociedad Gimnástica de Pontevedra e polo Concello de Pontevedra.
Concretamente, a proba dos 10km conta con máis de 200 anotados e, no medio maratón, a cifra supera os 550 corredores. Ademáis, a proba dos cativos que se celebra por segundo ano consecutivo ten 23 anotados.
Lembramos que o próximo 30 de setembro remata a inscrición reducida. Ata ás 23:59h dese día, o prezo para anotarse é de 20€ para a distancia longa e de 8€ para a curta. A partir do 1 de outubro e ata ás 23:59h do 8 de outubro, o custo de inscrición aumenta ata os 30€ no medio maratón e os 15€ nos 10km.
A carreira de cativos sempre custa 1€ e os interesados poderanse inscribir ata ás 23:59h do 13 de outubro. Co recaudado coas inscricións dos menores sortearanse vales de material deportivo na Tenda Miler Vintage Running Club.
A sétima edición do Saltar na Rúa foi todo un éxito no deportivo, no organizativo e na resposta do público.
Unha Praza da Ferraría ateigada de xente estivo presente ante a exhibición de saltos. O público vibrou coas tres disciplinas atléticas (salto de lonxitude, triplo salto e salto con pértega). Especialmente con esta última que foi a que pechou o evento e a máis sorprendente pola altura que alcanzaron os atletas.
O evento contou cos tres mellores atletas galegos de sempre (Jean Marie Okutu, Alfonso Palomanes e Luis Moro); pero tamén contaban cos Campións Galegos desta tempada, con atletas medallistas a nivel nacional e tamén internacional; como Ana Rita Silva (campioa portuguesa en lonxitude) e Marcos Caldeira (campión luso en triplo).
Os atletas estiveron á altura das circunstancias. A pesar de que quedaron lonxe das súas marcas persoais, debido a curta carreira que realizan para saltar e que estamos en pretemporada, todos realizaron unha gran actuación.
Resultados
Atleta
Mellor intento
Marina Artemia Pérez
4,90m
Juan Piñeiro
6,40m
Celia Fernández
4,90m
Sergio Coello
6,65m
Andrea Villaverde
5,35m
Jean Marie Okutu
6,70m
Ana Rita Silva
5,25m
Raúl Cortizo
6,60m
Resultados do salto de lonxitude
Atleta
Mellor intento
Irati Legazpi
10,00m
Matías Moldes
12,10m
Uxía Paz
11,00m
Xoel Otero
14,00m
Ariadna Gil
10,90m
Marcos Caldeira
14,10m
Alba Martínez
10,45m
Alfonso Palomanes
13,90m
Resultados de triplo salto
Atleta
Mellor intento
Marina Artemia Pérez
3,30m
Nerea Fernández
3,10m
Manuela Blanco
–
Lola Bouza
3,60m
Tomás López
4,75m
Pablo Fernández
4,50m
Luis F. Moro
–
Miguel Cajaraville
–
Resultados do salto con pértega
A proba comezou ás 19:30h e rematou sobre as 21:00h. Cada disciplina durou media hora. Nese tempo, os oito atletas que participaban en cada proba realizaron tres intentos; a excepción do salto con pértega, que se realizaron catro por deportista.
Durante o evento lembrouse que están abertas as inscricións da escola do club. Moitos dos participantes, son atletas que creceron dende a base da Sociedad Gimnástica de Pontevedra e que xa teñen oco no equipo absoluto, tanto feminino como masculino. Así que recordouse a todo o público presente que ata o 11 de setembro, todos interesados poden apuntarse para empezar con nós a facer atletismo.
O Saltar na Rúa organízao a Sociedad Gimnástica de Pontevedra coa colaboración do Concello de Pontevedra.
O mellor atletismo volve encher as rúas de Pontevedra. A sétima edición do Saltar na Rúa, achegará á Praza da Peregrina tres disciplinas atléticas de saltos. Trátase da lonxitude, o triplo e o salto con pértega.
A partir das 19:30h comezará o espectáculo nunha das prazas máis emblemáticas da cidade do Lérez. O obxectivo é que os veciños e visitantes coñezan un pouco máis este deporte e que queden abraiados cos saltos, especialmente co salto de pértega; que sempre chama a atención aos máis curiosos polas alturas que alcanzan os atletas.
Este ano contará con tres dos mellores saltadores do atletismo galego. Son Jean Marie Okutu en salto de lonxitude; Luis Fernando Moro en salto con pértega; e José Alfonso Palomanes no triplo salto. Tamén participarán dous dos mellores atletas portugueses de saltos do momento. Polo tanto, trátase dun evento de índole internacional.
Atletas participantes:
Salto de lonxitude:
Marina Artemia Pérez. Defendeu as cores da selección galega sub18. Ten unha mellor marca persoal de 5.35m. Bronce absoluto en triplo salto en AL. Sociedad Gimnástica de Pontevedra.
Juan Piñeiro: Subcampión galego absoluto PC. Titular coa Sociedad Gimnástica de Pontevedra. Mellor marca persoal de 7,24m. Sociedad Gimnástica de Pontevedra.
Celia Fernández: Atleta de 2008. Cuarta absoluta no Campionato Galego de AL. Ten unha mellor marca persoal de 5,41m.Riazor Coruña.
Sergio Coello: Vixente campión galego absoluto AL. Ten unha mellor marca persoal de 7,42m. RC Celta
Andrea Villaverde: Vixente campioa galega absoluta en PC e subcampioa en AL. Mellor marca persoal de 5,86m. Sociedad Gimnástica de Pontevedra.
Jean Marie Okutu: Olímpico en Río 2016.Doce veces campión de España absoluto (sete en aire libre e cinco en pista cuberta). Campión galego en lonxitude en dezanove ocasións. Plusmarquista autonómico nesta disciplina con 8,17m. Noveno en el ránking nacional de todos os tempos. Mellor marca persoal: 8,17m. FC Barcelona.
Ana Rita Silva: Vixente campioa de Portugal e segunda en triplo salto. Ten unha mellor marca persoal na lonxitude de 6.07 metros e de 12.98m en triplo.
Raúl Cortizo: Vixente campión galego absoluto PC. Mellor marca persoal de 7,50m. RC Celta.
Triplo salto:
Irati Legazpi: 10.89m. Atleta das escolas da Sociedad Gimnástica de Pontevedra
Matías Moldes: Vixente subcampión galego en pértega. Defendeu as cores da selección galega en altura. Ten unha mellor marca persoal de 12.57m. Sociedad Gimnástica de Pontevedra
Uxía Paz: Vixente subcampioa galega absoluta PC. Mellor marca persoal de 12.55m. Femenino Celta
Xoel Otero: Terceiro no Campionato de España sub20 en probas combinadas. Mellor marca persoal en triplo de 14.37m. AA Mazi.
Ariadna Gil: Bronce absoluto en PC. Mellor marca persoal de 11.90m. Vila de Cangas.
Marcos Caldeira: Sucampión portugués de triplo salto. 7 veces campión luso absoluto. Medallista internacional en categorías menores. Mellor marca persoal de 16.44m.
Alba Martínez: Vixente subcampioa galega en triplo salto. Mellor marca persoal de 12,11m. Volve a facer atletismo despois de ser unha das mellores saltadoras de triplo en Galicia en categorías menores. Ourense Atletismo.
Alfonso Palomanes: Campión de España Absoluto en 2016. 20 veces campión galego absoluto: 10 en pista cuberta e 10 ao aire libre. Plusmarquista autonómico con 16.21 metros. Sociedad Gimnástica de Pontevedra.
Salto con pértega:
Marina Artemia Pérez: cuarta absoluta en AL. Sociedad Gimnástica de Pontevedra
Nerea Fernández: Vixente subcampioa galega absoluta PC
Manuela Blanco: Vixente campioa galega absoluta PC
Lola Bouza: tres veces campioa galega absoluta. Volve a competir tras estar retirada do tartán por unha lesión. RC Celta. Novena no Campionato de España sub23.
Tomás López: Vixente campión galego absoluto PC e AL. 5 veces campión galego absoluto. Filial da Sociedad Gimnástica de Pontevedra. CA Sada
Pablo Fernández: atleta destacado a nivel nacional en categorías inferiores. Ten licencia pola Comunidade de Madrid. RC Celta.
Luis Fernando Moro: plusmarquista autonómico en salto con pértega con 5,43m. Medallista nacional en varias ocasiones e internacional con la selección española.
Miguel Cajaraville: 7 veces campión galego absoluto. Volve a competir despois dunha tempada de parón. RC Celta.
A proba está organizada pola Sociedad Gimnástica de Pontevedra e conta coa colaboración do Concello de Pontevedra.
O Circuito de Atletismo en Pista afronta á recta final. O XXIV Memorial Celso Mariño, a penúltima xornada, celebrouse o 21 de xuño. O conxunto de eventos están organizados pola Sociedad Gimnástica de Pontevedra, da man do Concello de Pontevedra e grazas ao patrocinio dos Supermercados FROIZ.
Os irmáns Daniel Chamosa e Antía Chamosa bateron un novo récord galego absoluto en 3000m marcha. O primoxénito fixo unha marca de 11:31.82; mentres que a máis nova parou o cronómetro en 12:27.95. Daniel Chamosa, ademais, vén de facer outra plusmarca autonómica en 5000ml. Obtívoo o pasado sábado no Campionato Galego Absoluto.
Tamén fixo unha nova mellor marca galega en categoría sub16 Hugo Casañas. O atleta do Clube Rías Baixas fixo en lanzamento de peso 17,22m.
Ademais, Pontevedra tamén foi testemuña dun triplo de marcas persoais por parte de atletas da Sociedad Gimnástica de Pontevedra, clube organizador. Son os rexistros que obtiveron Cristina Garrido en 100ml (12.07), que ademais tamén supón un novo récord do club; a catrocentista Eugenia Gil nos 800ml (2:12.09); e Marina Artemia Pérez en triplo salto (11,59m).
Outra marca salientable foi a que realizou Fernando Fariña, atleta das escolas do club de categoría sub14, ao superar o listón en salto de altura en 1,60m. Por último, Jacobo Soler (Grupoempleo Pamplona Atlético) e Sergio Rodríguez (Sociedad Gimnástica de Pontevedra) protagonizaron un dos momentos máis emocionantes co man a man que tiveron en 100ml e 200ml.
Na proba reina da velocidade, Jacobo baixou da barreira dos 11 segundos con 10.94; mentres que Sergio se quedou ás portas de conseguir ese obxectivo con 11.00. Nos 200ml, os dous estiveron por debaixo dos 22 segundos.
A Sociedad Gimnástica de Pontevedra co patrocinio do Concello de Pontevedra e Supermercados Froiz organizan a cuarta xornada do Circuito de Atletismo en Pista de Pontevedra, sendo a 24ª edición do Memorial Celso Mariño. A competición celebrarase o 21 de xuño no CGTD de Pontevedra.
A xornada comezará ás 17:30h para finalizar sobre as 21:15 h.
Nos ligazóns de abaixo podes encontrar o regulamento do evento e os atletas admitidos.
A terceira xornada do Circuíto de Atletismo en Pista segue o mesmo sentido que as anteriores. Éxito na participación e nos rexistros. Superado xa o ecuador do evento, organizado pola Sociedad Gimnástica de Pontevedra co patrocinio do Concello de Pontevedra e de Supermercados FROIZ, nótase o bo estado de forma no que se atopan os atletas.
Un dos momentos máis emocionantes vivímolos nos 110m valos cunha chegada apertada de David Vicente (14.42)e Gerson Vidal (14.43). Un man a man que se decidiu sobre a liña de meta. Tamén se realizaron bos rexistros nos 400ml tanto masculinos como femininos. Por un lado, Jacobo Soler (47.25) e o gimnástico David Abalde (48.43), primero e segundo, bateron a súas marcas persoais da tempada. En féminas tamén bo rexistro da atleta da Sociedad Gimnástica de Pontevedra Lia Caride con 58.39.
Na velocidade feminina tamén hai que salientar os 12.41 de Cristina Garrido nos 100ml. No resto das carreiras, sobresae o dobrete das atletas da entidade organizadora nos 600ml. Impúxose Sabela Martínez con 1:37.36 e foi segunda Paula Torres con 1:39.11.
Nos concursos, Juan Piñeiro voou ata os 7,13m en salto de lonxitude; e en lanzamento de martelo, Anxo Filgueira achegouse ata a súas mellores marcas persoais cun mellor intento de 49,67m e, polo tanto, quedou moi preto dos 50 metros.
A seguinte xornada do Circuíto será o mércores, 21 de xuño. Trátase do XXIV Memorial Celso Mariño.
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
