Éxito no VI Saltar na Rúa

Éxito no VI Saltar na Rúa

O tempo acompañou a que a Praza da Ferrería se enchese de atletismo. A partir das 19:30h da tarde do 27 de agosto o público e os deportistas encheron unha das prazas máis míticas da cidade de Pontevedra.

O salto de lonxitude co olímpico en 2016, Jean Marie Okutu, á cabeza encabezaron a sexta edición deste evento que xa é un habitual no verán pontevedrés. Nesa proba vimos os saltos da vixente campioa galega absoluta, Andrea Villaverde; da vixente campioa de España sub23 en combinadas Eva Queimaño; e doutros atletas como Noa Currás, Matías Moldes, David Ferrer, Valeria González e Juan Piñeiro.

Posteriormente, seguindo cos saltos horizontais, foi a quenda do triplo salto. Aí destacaron Alfonso Palomanes, plusmarquista autonómico; Anxo Blanco, atleta titular co equipo masculino da Sociedad Gimnástica de Pontevedra; de Ariadna Gil e Uxía Paz, campioa galega absoluta e cuarta de España sub23, respectivamente; así como doutros atletas como Tania Valverde, Xoel Otero, Raúl Cortizo ou Marina A. Pérez, gran promesa da entidade organizadora.

O evento terminou co salto con pértega que abraiou a todo o público cando atletas como Tomás López, Aitor Fernández, Santi Ferrer ou Alejandro Villaverde saltaron por encima dos 4m de altura e “voaron” coa igrexa da Peregrina de fondo. Tamén participaron Marina A. Pérez, Manuela Blanco, Nerea Fernández e Lola Bouza.

Un ano máis, e xa van seis, o Saltar na Rúa volve a triunfar na cidade de Pontevedra. Nesta ocasión xa de volta á Praza da Ferrería, lugar de onde fora desprazado cara a Ponte do Burgo durante os dous anos nos que o evento estivo marcado polas restricións da pandemia.

A sexta edición do Saltar na Rúa regresa aos seus orixes

A sexta edición do Saltar na Rúa regresa aos seus orixes

O Saltar na Rúa volve á Praza da Ferraría, onde comezou fai seis anos; despois de dous anos saltando sobre o Río Lérez na Ponte das Correntes. Sobre as 19:30h comezará este evento que encherá unha das prazas máis emblemáticas de Pontevedra con algúns dos mellores saltadores autonómicos. Son expertos nas disciplinas de salto de lonxitude, triplo salto e salto con pértega.

Estarán as tres campioas galegas absolutas en aire libre das tres disciplinas desta tempada e os tres plusmarquistas autonómicos das tres probas.

Lonxitude

AtletaMarcaCategoríaClubResultado
Noa Currás4.52Sub14S. G. Pontevedra3ª Campionato Galego en lonxitude en pista cuberta e campioa galega de altura ao aire libre na súa categoría.
Matías Moldes6.27Sub18S.G. PontevedraRécord galego de combinadas sub16 en octathlón con 4401 puntos. Campión galego de combinadas en pista cuberta, subcampión ao aire libre e campión de lonxitude do Eixo Atlántico.
Valeria González5.41Sub16Vila de CangasPrimeira no ranking galego sub16 en lonxitude. Campioa galega sub16 en lonxitude en aire libre e en pista cuberta.
David Ferrer7.29AbsolutaS.G. PontevedraDúas veces campión galego en lonxitude ao aire libre e unha pista cuberta. Terceiro este ano no galego en pista cuberta. Titular co equipo absoluto da Gimnástica
Eva Queimaño5.63Sub23Super Amara BATVixente campioa de España sub23 e plusmarquista autonómica en combinadas en pista cuberta. Bronce en sub23 en aire libre en combinadas. Tres veces consecutivas sendo campioa galega en combinadas en pista cuberta e unha en aire libre. Terceira en el ranking en lonxitude. Segunda no ranking en combis.
Juan Piñeiro7.18Sub23Vila de CangasBronce absoluto e sub23 en aire libre e cuarto absoluto en pista cuberta e terceiro sub23 nos campionatos galegos.
Andrea Villaverde5.86Sub23S.G. PontevedraVixente campioa galega absoluta en pista cuberta e en aire libre. Cuarta de España en sub23 en salto de lonxitude.
Jean Marie Okutu8.17AbsolutoFC BarcelonaOito veces campión galego ao aire libre e once en pista cuberta. Dez veces campión de España absoluto en lonxitude. Plusmarquista autonómico en la disciplina. Olímpico en Río 2016.

Triplo

AtletaMarcaCategoríaClubResultado
Tania Valverde11.41AbsolutaADASClásico do atletismo galego. Tres veces campioa galega de lonxitude e unha en triplo ao aire libre. Cinco veces campioa galega en lonxitude e dúas en triplo en pista cuberta.
Xoel Otero14.37Sub18AA MaziCampión galego sub18 de triplo en aire libre e en pista cuberta
Marina A. Pérez11.56Sub16S.G. PontevedraTerceira no Campionato de España de pista cuberta en triplo na súa categoría. Promesa das escolas do club.
Raúl Cortizo14.21Sub23Celta AtletismoSubcampión galego absoluto. Campión galego absoluto e en sub23 en lonxitude ao aire libre
Ariadna Gil11.90Sub23Vila de CangasCampioa galega absoluta de triplo
Alfonso Palomanes16.21AbsolutoS.G. PontevedraCampión de España absoluto en 2016. Campión de España en todas as categorías desde cadete ata absoluto. Plusmarquista autonómico. Dez veces campión galego ao aire libre e outras tantas en pista cuberta en triplo.
Uxía Paz12.55Sub23Femenino CeltaCuarta de España sub23 e terceira no ranking autonómico absoluta ao aire libre
Anxo Blanco15.68AbsolutoS.G. PontevedraCampión de España sub23 en 2018 en pista cuberta. Segundo no ranking galego absoluto e competiu coa Federación Galega no Campionato de España por Federacións. Titular coa Sociedad Gimnástica de Pontevedra

Pértega

AtletaMarcaCategoríaClubResultado
Marina A. Pérez3,10mSub16S.G. PontevedraCampioa galega sub16 en pista cuberta e subcampioa en aire libre
Manuela Blanco3.30Sub18Ourense AtletismoCuarta absoluta en pista cuberta no campionato galego e subcampioa galega sub18 en aire libre
Nerea Fernández3.30Sub20ADASVixente campioa galega absoluta ao aire libre e campioa galega sub20
Lola Bouza3.60Absoluta Dúas veces campioa galega absoluta e unha en pista cuberta
Alejandro Villaverde4.10Sub18S.G. PontevedraPrimeiro no ranking de pértega na súa categoría. Subcampión galego absoluto en aire libre
Santi Ferrer4.40AbsolutoS.G. PontevedraBronce no campionato galego de pista cuberta. Cinco veces campión galego en pértega ao aire libre e seis en pista cuberta. Campión de España sub16. Plusmarquista autonómico sub16 e sub18.
Aitor Fernández4.55Sub20Club Atletismo NarónBronce de España sub20 en decathlón. Foi coa selección galega absoluta en pértega
Tomás López4.60 CA SadaCampión galego absoluto en pista cuberta e aire libre
Luis Moro5.60AbsolutoAlcampo Scorpio 71Campión de España Absoluto en 2006. Plusmarquista autonómico con 5,60m. Primeiro atleta galego en saltar 5m.

Horario aproximado

O evento comezará ás 19:30h da tarde na Praza da Ferrería co salto de lonxitude. Cada atleta realizará catro intentos. Sobre ás 20:00h espérase que empece o triplo salto, tamén con catro ocasións para cada deportista. Media hora máis tarde comezaría o salto con pértega, onde veremos como os atletas sobrevoan o ceo de Pontevedra e alcanzarán alturas de ata cinco metros. Prevese que as 21:00h termine o evento.

A Sociedad Gimnástica de Pontevedra ten unha cita o sábado coa cidade de Pontevedra

A Sociedad Gimnástica de Pontevedra ten unha cita o sábado coa cidade de Pontevedra

O V Saltar na Rúa celebrarase o sábado 28 de agosto ás 19:30h na Ponte do Burgo, en Pontevedra. Un ano máis a Sociedad Gimnástica de Pontevedra organiza este evento da man do Concello de Pontevedra e da súa concellaría de deportes.

O Saltar na Rúa é un evento que se empezou a organizar no nonaxésimo aniversario do club pontevedrés e que, dende entón, buscou achegar o atletismo ás rúas de Pontevedra. Para iso, fanse exhibicións de tres disciplinas atléticas como son o salto de lonxitude, o triplo salto e o salto con pértega. Deste xeito, o público poderá desfrutar desde deporte de xeito máis achegado, sen ter que ir ata un estadio.

Por segundo ano consecutivo organízase na Ponte do Burgo por ser un lugar menos concorrido e de paso e así pódense cumprir mellor as medidas sanitarias marcadas pola pandemia e evitar aglomeracións.

Para dar espectáculo, participarán atletas de nivel autonómico, nacional e incluso internacional. Unha participación que mesturará a nenos e nenas das escolas do club con algúns dos atletas galegos máis destacados das disciplinas.

24 atletas

En lonxitude competirán Andrea Villaverde, Matías Moldes, Marta Barragáns, Diego Míguez, Eva Queimaño, Pablo Modia, Lucía Sánchez e David Ferrer.

Sofía Rivas, Tomás Adega, Ariadna Gil, Adrián Villares, Tania Valverde, Xoel Otero, Alba Cuns e Alfondo Palomanes participarán en triplo salto.

No salto con pértega estarán Marina Pérez, Lisa Vosberg, Bea Viteri, Nerea Fernández, Óscar Monteagudo, Santi Ferrer, Tomás López e Gerson Vidal.

Na súa presentación oficial, celebrada o 24 de agosto no Concello de Pontevedra coa presenza de Santi Ferrer, director técnico da proba, e Tino Fernández, concelleiro de deportes, o político fixo alusión á seguridade que lle da organizar eventos coa entidade deportiva porque xa son expertos en probas atléticas, tanto por este evento, como as outras probas. E engadiu que “a pesar da pandemia organizáronse outros eventos como o Medio Maratón de Pontevedra ou a San Silvestre que este ano foi unha Rara, pero San Silvestre, grazas á Sociedad Gimnástica de Pontevedra, que é un club decano e dos máis destacados do atletismo galego”.

Todo listo para IV Saltar na Rúa 2020

Todo listo para IV Saltar na Rúa 2020

A Sociedad Gimnástica de Pontevedra volve a traer o atletismo á cidade de Pontevedra. O club, conxuntamente co concello da cidade do Teucro, organizarán a IV edición de Saltar na Rúa o sábado 22 de agosto na Ponte do Burgo.

Despois de tres edicións, este ano traemos a novidade do cambio de escenario porque a recente inaugurada Ponte do Burgo será a nova ubicación. Alí terá lugar esta actividade de promoción na que se busca levar ás rúas distintas disciplinas de saltos, como son a lonxitude, o triplo e o salto con pértega.

Participación dos mellores atletas autonómicos

O evento contará con algúns dos mellores saltadores autonómicos destacando, especialmente, os atletas do club local.

En salto de lonxitude participarán os tres saltadores que se subiron ao podio no Campionato Galego Absoluto: Pablo Modia, do Atletismo Lucus, e Raúl Cortizo e David Ferrer, ambos da Gimnástica. Ferrer é un dos atletas máis experimentados nesta proba, xa que conta con dous títulos de Campión Galego Absoluto. Ademais, acompañaranlles no foso a subcampioa galega, Lucía Sánchez, da Atlética Lucense; unha das mellores combineras galegas e de España, Alicia Merino do Feminino Celta; e a xoven atleta local, Marta Barragáns, que foi subcampioa galega sub18.

En triplo salto destaca un nome sobre o resto: Alfonso Palomanes levantará a máxima expectación. O atleta da Sociedad Gimnástica, cunha mellor marca persoal de 16,21m, conta no seu currículo persoal con tres pratas en campionatos internacionais, foi campión de España 14 veces e campión galego absoluto en 20 ocasións. Entre os participantes, tamén haberá outra campioa de España. Esta é atleta do Atletismo Negreira, Alba Cuns, que ten unha medalla de ouro no nacional sub16. Completarán a lista de inscritos, catro medallistas galegos, como son Eva Salvado, campioa galega sub23; Matías Moldes, ouro en categoría sub14, ambos pertencentes ao club local; Ariadna Gil, do Vila de Cangas, primeira en categoría sub20 e terceira absoluta; e Pablo Saá, atleta do Celta Atletismo, que foi subcampión galego en pista cuberta.

A última proba será o salto con pértega. O duelo Santi Ferrer, da Sociedad Gimnástica, e Miguel Cajaraville, do Celta, traerá competitividade á proba. O primeiro conta con once primeiros postos en campionatos galegos e o segundo é o vixente campión galego de aire libre. Bea Viteri, con 16 ouros autonómicos, tamén aportará experiencia, veteranía e, por tanto, espectáculo. A eles acompañaranos na colchoneta dous atletas gimnásticos como son Marta González, prata no Campionato de España Máster e Óscar Monteagudo, ouro no campionato galego sub16; e Lola Bouza, atleta do ADAS o Barco, que foi subcampioa galega absoluta.

Protocolo COVID-19

O evento cumprirá co protocolo COVID-19 pactado pola Secretaría Xeral para o Deporte da Xunta de Galicia. As principais medidas son as básicas para toda a cidadanía: non asistir se se presentan síntomas, manter a distancia social, levar máscara de cara en todo momento (os participantes so poderán rescindir dela no momento específico da competición), lavar frecuentemente as mans…

Especificamente para participar na actividade, tanto os atletas, como o staff terán que firmar un consentimento. A ausencia da sinatura provocará a negación do acceso ao recinto.

Os atletas terán unha cadeira asignada, onde deixarán todas as súas posesións e descansarán entre cada intento. Ademais, terán que portar a súa propia máscara e xel hidroalcohólico.

Cada persoa do staff terá a súa función determinada, pero evitando que se compartan artefactos e espazos.

O público cumprirá as normas ditadas polas autoridades competentes, portando a máscara en todo momento. En ningún momento poderán tocar o material deportivo nin acercarse ao escenario, que estará separado por vallas.

Éxito en la III Edición de Saltar na Rúa

Éxito en la III Edición de Saltar na Rúa

La III Edición de Saltar na Rúa fue todo un éxito, tanto en lo organizativo, como en la asistencia de atletas y de público. Se celebró el 23 y 23 de agosto en la Praza da Ferrería, en Pontevedra.

El primer día hubo jornadas de iniciación para niños y niñas. Los más pequeños se acercaron al set de la Ferrería y probaron a saltar longitud y pértiga. Sin duda, un gran número de menores disfrutaron y probaron lo apasionante que es el atletismo.

El segundo día fue el más completo. Por la mañana los atletas de categorías menores del club se acercaron al set que teníamos montado para realizar una mini-exhibición de saltos a la que no le faltaría la gran ovación del público presente. Por la tarde, sería el gran evento. La Praza da Ferrería se llenó de público que quiso deleitarse con toda una exhibición de atletas de nivel autonómico y nacional.

Os dejamos unas galerías de fotos y vídeo del evento: