Rematado o Medio Maratón con récord de inscricións, a Gimnástica continúa en activo para a celebración da segunda edición do Cros Cidade de Pontevedra. Tras o éxito acadado o ano pasado na súa primeira edición, a Illa das Esculturas será de novo o lugar de encontro para os amantes do barro.
A cita será o próximo domingo, 09 de novembro de 2025, onde participantes de todas as categorías voltarán a desfrutar do circuito, das curvas e, ó millor, da chuvia, como na anterior edición.
Toda a información sobre inscricións e regulamento, aquí.
Nin a constante choiva puido parar aos corredores do Gran Fondo Caixabank. Os grandes triunfadores da xornada foron Ismael Allagui (Ismanon) e Marina Porteiro ao imporse na proba do medio maratón.
Ismanel Allagui (Ismanon), primeiro no medio maratón do Gran Fondo Caixabank 2025
Medio Maratón chuvioso
A proba raíña do medio maratón tivo un claro vencedor. Foi o atleta madrileño Ismael Allagui, máis coñecido nas redes sociais como Ismanon. Porén, por ter licencia madrileña non puido subirse ao podio como gañador desta edición do Gran Fondo Caixabank.
Así que o podio completárono Víctor Puyuelo con 1:09:01 conseguindo o ouro, Alexandre Álvarez (1:09:37) obtivo a prata e Carlos Porto, da Sociedad Gimnástica de Pontevedra, con 1:09:48 foi bronce.
Ana María Santiso estivo liderando en case todo momento a carreira feminina, pero nos últimos quilómetros Marina Porteiro e Soledad Leiro conseguiron adiantala. De tal xeito, Marina, a atleta da Sociedad Gimnástica de Pontevedra, cruzou a liña de meta en primeiro lugar cun rexistro de 1:26:07 e escribe o seu nome na historia deste evento deportivo. Soledad Leiro foi segunda con 1:26:23. E, finalmente, Ana María quedou terceira con 1:27:00.
Carreira dos 10km
Ás 10:30h, o alcalde de Pontevedra, Miguel Anxo Fernández Lores deu o pistoletazo de saída á carreira curta do Gran Fondo Caixabank. Os corredores mantivéronse ao principio en grupo, pero xa nos últimos quilómetros empezaron a distanciarse e a deixar clara as posicións.
Finalmente, Denis Incutti chegou en primeiro lugar con 32:23; Pepe Sánchez del Valle foi segundo cun rexistro de 32:25; e o atleta da Sociedad Gimnástica de Pontevedra, Hassan Izzeddine, subiuse ao terceiro posto do podio parando o cronómetro en 32:28.
En mulleres, venceu Beatriz Seco con 40:20. Tania Fernández (40:59) e Manuela Montes (41:26) foron segunda e terceira respectivamente. A lucense María Cedrón foi a primeira en cruzar a liña de meta, pero por non competir con licencia galega non puido subirse ao podio.
Podio 10km do Gran Fondo Caixabank .Hassan Izzeddine quedou terceiro
Carreiras de menores
Os primeiros en competir foron os máis pequenos. Na pista de atletismo do CGTD de Pontevedra percorreron deron máis de media volta ao anel. En total, uns 250 metros que todos os valentes fixeron sen terlle medo ás precipitacións.
Posteriormente, chegaron os rapaces e rapazas da categoría do Mini Gran Fondo. Saíron dende a Ponte dos Tirantes e chegaron á habitual meta do Gran Fondo Caixabank. Eles fixeron 750 metros.
Unha proba que gañaron Martín Otero e a atleta da Sociedad Gimnástica de Pontevedra, Sabela Martínez.
Podio carreira menores do Gran Fondo Caixabank con triplete da Sociedad Gimnástica de PontevedraPodio carreira menores do Gran Fondo Caixabank
A tradicional quedada para a recoñecemento do percorrido homologado do Gran Fondo Caixabank foi un éxito. Contou cun gran número de participantes que desfrutaron dunha volta pola cidade de Pontevedra en compañía e con ritmos que todo o mundo puido seguir.
Este ano contouse coa participación do atleta que máis veces gañou o medio maratón do Gran Fondo Caixabank, Manuel Hurtado. O atleta da Sociedad Gimnástica de Pontevedra e responsable das escolas deportivas do club correrá os 10km nesta edición.
Despois da quedada, todos os participantes puideron participar dunha merenda grazas a Panaderías A’Devesa, que sempre apoia o deporte local.
Panaderías A’Devesa ofreceu unha merenda aos participantes da quedada do Gran Fondo Caixabank
Récord de participantes
O Gran Fondo Caixabank pechou as inscricións con 2086 participantes.
O xoves terminou o prazo para anotarse nas carreiras de menores. Durante estes días, as inscricións ían subindo, ata alcanzar a cifra de 225 participantes, quedando tan so 75 ocos sen cubrir.
Estes datos elevan os corredores da 43º edición do Gran Fondo Caixabank ata os 2086. 1196 correspóndense co medio maratón e 665 aos 10km.
Ás 600 prazas ofertadas para os atletas na distancia curta, hai que sumar 65 militares do exército de terra (BRILAT) correspondentes á Brigada “Galicia” VII que, como cada ano, correrán e animarán cos seus cánticos durante a proba. Por tanto, por segundo ano consecutivo se colgou o cartel de completo nos 10km. O ano pasado, ademais, ofertáranse 500 prazas, 100 menos que nesta edición.
Con estes rexistros tan positivos pecha o período de inscrición para a 43º edición do Gran Fondo Caixabank, tras máis de 7 meses aberto, posto que todos os interesados tiveron a oportunidade de apuntarse a partir do 3 de marzo de este ano.
Lembramos que o ano que contou con máis corredores foi o 2016 ao chegar a 1987 participantes. Entón so había proba de medio maratón e ese ano coincidiu, ademais, co Campionato Galego da distancia.
Este pasado fin de semana nuestros gimnásticos llegaron al Campeonato Autonómico de Campo a través por relevos mixtos con la premisa de hacer valer el título conseguido el pasado año.
Aunque el equipo no estaba compuesto exactamente por los mismos atletas, los seleccionados este año: Paula de la Torre, Pedro Osorio, María Carballido y Carlos Porto, trajeron de nuevo el trofeo de campeones para lucirlo en las vitrinas del club.
Fueron los mejores en una carrera difícil, con grandes rivales, puesto que fueron primeros con tan solo 4 segundos de ventaja respecto al equipo subcampeón, el Adas Cupa.
Máis de 2000 persoas correrán o próximo 19 de outubro polas rúas de Pontevedra. En total, hai 2035 persoas anotadas no Gran Fondo Caixabank.
De esas, 1196 correspóndense co medio maratón, quedando tan so 4 prazas sen cubrir; e nos 10km en total sairán 665 corredores. Ás 600 prazas ofertadas para os atletas na distancia curta, hai que sumar 65 militares do exército de terra (BRILAT) correspondentes á Brigada “Galicia” VII que, como cada ano, correrán e animarán cos seus cánticos durante a proba. Por tanto, por segundo ano consecutivo se colgou o cartel de completo nos 10km. O ano pasado, ademais, ofertáranse 500 prazas, 100 menos que nesta edición.
Na proba de menores haberá un total de 147 rapaces e rapazas que se colocarán na liña de saída. Nesta proba as inscricións aínda están abertas ata o xoves, polo que a cifra total dos corredores do Gran Fondo Caixabank pode seguir aumentando.
Con estes rexistros tan positivos pecha o período de inscrición para a 43º edición do Gran Fondo Caixabank, tras máis de 7 meses aberto, posto que todos os interesados tiveron a oportunidade de apuntarse a partir do 3 de marzo de este ano.
Lembramos que o ano que contou con máis corredores foi o 2016 ao chegar a 1987 participantes. Entón so había proba de medio maratón e ese ano coincidiu, ademais, co Campionato Galego da distancia.
A carreira
Lembramos que o Gran Fondo Caixabank celebrarase o próximo 19 de outubro a partir das 10h da mañá. Primeiro correrán os máis pequenos para culminar o evento ás 11:00h coa carreira do medio maratón
O próximo venres 17 de outubro ás 20:30h terá lugar a tradicional quedada para dar unha volta ao percorrido. É de acceso libre e sairá de diante da porta principal do Centro Galego de Tecnificación Deportiva. O ritmo de carreira será moi asumible co obxectivo de dar a coñecer todo o percorrido. Os interesados terán que acudir con prendas de cores rechamantes.
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
