Sub20 de prata e bronce ·2026·

Sub20 de prata e bronce ·2026·

A Gimnástica segue coa racha de podios nos Campionatos Galegos. Este pasado sábado foi o turno dos equipos sub20, e non foi posible un resultado mellor.

O equipo masculino foi o primeiro en subir ó segundo chanzo do podio para recoller o seu merecidísimo título de Subcampións galegos tras actuacións tan salientables como as de Eloy Acuña no lanzamento de disco, que foi o mellor, igual que Lucas Pena no 3000 obstáculos. Tamén foi o mellor, esta vez no salto de altura, Gael Couñago que, non contento con eso, foi cuarto no salto de lonxitude. Guille Piñeiro foi segundo na súa proba estrela, o 110 metros valados, conseguindo unha mellor marca, con 14.88 segundos, aínda arrastrando un catarro que non lle deixou dar o máximo. Foi o mesmo posto conseguido por Diego José Huerta no 3000 metros lisos. José Ángel Abraldes fixo o propio no 1500 e tamén Pablo Ruiz no 400.

Entre todos conseguiron sumar os 88 puntos totais para acadar este bo resultado.

Pola súa parte, o equipo feminino fíxose co bronce autonómico tras sumar 89 puntos que viñeron, entre outros, do primeiro posto acadado por Marina Artemia López no triplo salto, que ademais foi segunda no salto con pértiga. Gema Dacosta repetiu primeiro posto no lanzamento de disco, como Carmen Paz no 400 metros lisos ou Aroa Barbeito, no 3000 obstáculos. Outra habitual dos primeiros postos, Sabela Peón, cumpriu coas expectativas no 800, como tamén fixo Paula Dios no 200.

Tamén foron os máis rápidos os equipos da remudas. O 4×100 formado por María Méndez, Carmen Paz, Paula Dios e Laura Freire foi primeiro cun tempo de 50.59, sendo a mellor marca, e o equipo do 4×400 composto por Uxía Rozas, Candela Lago, Paula Torres e Sabela Martínez tamén foi o primeiro en cruzar a liña de meta nesta ocasión, tamén con nova mellor marca, agora en 04:15:19.

Subiron tamén ó computo total o segundo posto conseguido por Candela Lago no 1500, así como os terceiros conseguidos por Noa Currás no salto de altura, Sara Cristina Diz no 3000 metros lisos ou o de Carlota Vázquez no 100 metros valos.

Non só foron uns resultados fantásticos dos nosos equipos sub20 e dos nosos atletas a nivel individual, senon que sumados ós conseguidos polos compañeiros de categoría sub16 a pasada fin de semana, convierten á Gimnástica no único club galego que conseguir subir ó podio ós dous equipos (masculino e feminino) en ambas categorías. Parabéns a todos polo traballo!

Aproveitamos ademais para felicitar ós compañeiros do noso club filial do Sada polos seus podios. Moitos deles son compañeiros que compiten en moitas ocasións coa camiseta da Gimnástica e non podemos estar máis ledos de compartir podio con eles nas distintas categorías. Parabéns tamén a todos eles!

Ouro e prata no Galego de clubs sub16

Ouro e prata no Galego de clubs sub16

Menudo comezo de tempada para os canteiráns do club… Esta pasada fin de semana os equipos sub16 masculino e feminino chegaron á Malata coa intención de seguir a estela dos equipos absolutos e deixaron claro que nada lles teñen que envexar.

O equipo masculino impúxose, pelexando a o último momento, levando o título de Campións galegos por clubs, grazas a actuacións como as de Martín otero, primeiro no 600 metros lisos, igual que Martín Saavedra, que repetiu posto no 300 lisos ou Luis Durán, que tamén foi o máis rápido nos 100. Mateo Miñán no 3000 metros marcha ou Mario Tegegn Míguez no 300 metros valos, foron segundos, igual que Diego Acuña, que asinou o mesmo posto no salto de lonxitude. Como xa é costume, a remuda 4×100 foi a máis rápida, con moitísima autoridade, cun equipo formado por Nico Piñeiro, Diego Acuña, Luis Durán e Michel Manuel Justo.

O equipo sumou un total de 72 puntos que lles fixeron festexar o título autonómico ó final da xornada.

Pola súa parte, o equipo feminino proclamouse Subcampión galego por clubs grazas ós 129 puntos conseguidos grazas á aportación de atletas como Matilda Veiga, primeira no 300 metros valos, Isa Caeiro que foi segunda no 3000 marcha, posto que tamén conseguiu Lena Currás no salto de lonxitude ou Ángela Moldes ou Lía Vázquez, terceiras en triplo salto e salto con pértega, respectivamente.

Parabéns a todos eles. Un ano máis no máis alto dos podios autonómicos! Seguimos traballando!