Esta fin de semana tiñamos moitas cousas que contarvos e que celebrar, pero non esquecemos que aínda tiñamos pendente contarvos a última xornada do Circuito Froiz de Atletismo en Pista 2026.
A asistencia da proba foi numerosa, pero viuse mermada ante a dificultade de moitos atletas para chegar debido a algún contratempo de tráfico que fixo que non chegasen a tempo para participar nas probas. Contratempos que tamén afectaron a parte dos xuíces, que tiveron que comezar as súas labores algo máis tarde do habitual.
Aínda así, todos os que conseguiron chegar fixeron moi bos papeis nas últimas probas. Destacaron, por exemplo, Matías Moldes, primeiro na pértega superando o listón en 4.20 metros, Carmen Paz, que foi a máis rápida na súa serie do 200 metros lisos e remata cunha nova mellor marca persoal (12.70) ou David de la Fuente, que fora atleta da Gimnástica, agora no Playas de Castellón, que fixo nova mellor marca persoal no 3000 metros lisos, agora en 07:56:08.
Pero se houbo un protagonismo claro esa tarde, foi na última proba. O equipo de remudas masculino de 4×400 formado por David Abalde, Sergio Rodríguez, Alexis Miguéns e Xabi Lires tiña un obxectivo claro: o récord galego. E cumpriron! Eles catro son agora os posuidores do novo récord da disciplina, que dende o venres está en 03:12:26.
Dende o club felicitamos a todos os atletas que cumpriron obxectivos no Circuito deste ano, ós que se superaron e a todos os que non o conseguiron pero aprenderon para seguir mellorando.
Agradecemos tamén a Froiz polo seu apoio ó deporte unha vez máis e a todos os colaboradores, así como ó Concello de Pontevedra e ó Servizo de Deportes por un ano máis de atletismo en pista.
A seguinte parada será a exhibición do Saltar na Rúa, o 29 de agosto, na Ferrería. Vémonos alí!
Onte foi mércores de xornada de Circuito Froiz de Atletismo en Pista nesta edición de 2026 e foi mércores de Memorial Celso Mariño, penúltima proba.
Os atletas desta vez tamén tiveron que facer fronte á climatoloxía, pero neste caso para sobrelevar unha calor sufocante que favoreceu nesta ocasión ós velocistas, como se comprobou coa cantidade de mellores marcas persoais que se acadaron durante a tarde. Cris Garrido, unha das caras habituais no equipo absoluto da Gimnástica e varias veces campioa galega do 100 metros lisos mellorou a súa marca na disciplina, deixándoa agora en 12.02, na súa volta tras unha lesión que a tivo afastada da pista durante uns meses. Melloraron as súas marcas tamén, entre outros, Diego Acuña, ou os equipos de remudas de 4×100 da Gimnástica tanto feminino como masculino.
Non só os corredores melloraron marcas na xornada de onte. Tamén nos lanzamentos chegaron boas novas, como a nova mellor marca persoal de Gema Dacosta no lanzamento de disco dun kilo, que enviou o artefacto a 37.26 metros.
De novo unha moi boa xornada de atletismo para mellorar e aprender pero, sobre todo, para conseguir continuidade e desfrutar do atletismo xuntos. A seguinte parada, última do Circuito deste ano, será en venres, concretamente o 17 de xullo. Vémonos alí!
A xornada de onte no CGTD foi de nova xornada do Circuito Froiz de Atletismo en Pista. Atletas de todos os niveis e categorías saíron ó tartán, comezando polos máis pequenos (sub10 e sub12), disputando probas como o lanzamento de pelota ou un 1000 metros lisos que os deixou ben cansos.
Pero para os maiores foi un día para mellorar marcas e aprender e mellorar. Foi caso, por exemplo, de Carlota Vázquez, que cos 14.69 segundos que tardou en percorrer o 100 metros valos, conseguiu o billete para o Campionato de España. O seu compañeiro, Hugo Cordal, foi sétimo no 1000 metros lisos, acusando o cansazo tras conseguir o décimo posto no Campionato de España Individual Triatlón E, celebrado en La Nucía hai poucos días, conseguindo mellorar as súas marcas persoais en lanzamento de xavelina (25.61 metros), 80 metros lisos (11.46 segundos) e 2km marcha (10:40). Sen embargo, Hugo foi quen de mellorar a súa marca, como moitos dos seus compañeiros, no 80 metros valos (a 0.84), agora en 15.26, deixando claro que non se conforma cos resultados acadados ata agora.
Moitos foron os atletas que aproveitaron a xornada de onte para axustar as súas marcas persoais. Entre outros, Karol Rivera no 100 metros lisos, Sergio Lamas en lanzamento de disco de 1.5 kg, Jovi Uyokpiye no 110 metros valos (a 0.914) ou Noa Currás no salto de lonxitude (cunha mellor marca agora en 4.94.
Desta vez tiveron sorte dispar coa climatoloxía, que xa se tornou nun participante máis do Circuito, con vento e chuvia moi variable e forte por momentos que, sen dúbida, obrigou a todos os atletas a sacar o mellor de sí mesmos.
Moitos parabéns a todos e vémonos o próximo mércores 17 no Trofeo Celso Mariño. Seguimos!
A xornada de onte foi para auténticos valentes. Unha tarde de auga a cachón fixo peligrar a tarde de competición, pero os atletas non deixaron que o tempo os parase e cumpriron ata que ó final rematou saíndo o sol.
Foron os máis pequenos os que saíron competir no que, probablemente, foi o peor momento da tarde, e demostraron o seu compromiso e profesionalidade saltando á pista co mellor dos sorrisos pese a todo.
Déronse cita atletas de todas as categorías en disciplinas como a pértega, a xavelina, o martelo ou o 60 metros lisos para os máis pequeniños ou o 1500 metros lisos. Foi unha tarde complicada onde, aínda que moitos atletas conseguiron mellorar as súas mellores marcas persoais, como foi o caso de Sabela Martínez e María Estévez no 400 ou o relevo feminino 4×100, a humidade, o frío e a chuvia das primeiras horas pasaron factura ós atletas.
Dende o club damos as grazas a todos os atletas que onte desafiaron as condicións de inicio desta xornada e que deron o mellor de sí para facer desta unha nova xornada de aprendizaxe e traballo en equipo no atletismo.
Vémonos o día 20, cando disputaremos o L Trofeo Sociedad Gimnástica!
Onte, mércores 09 de abril, cun tempo máis propio case do mes de agosto, máis de 200 atletas de distintas categorías déronse cita no CGTD para dar comezo ó Circuito de Atletismo en Pista 2025 coa celebración da segunda edición do Control Escola de Atletismo da Sociedad Gimnástica de Pontevedra.
Este control está pensado para os máis pequenos, sendo os atletas participantes maioritariamente das categorías da canteira (sub10, sub12 e sub14).
Ademais de divertirse practicando o atletismo, moitos deles remataron a xornada mellorando as súas marcas persoais e incluso conseguindo a súa mellor marca da tempada, como foi no caso do salto de altura masculino, onde os dous mellores fixeron a súa mellor marca da tempada (Adrián Sacristán do CAR Redondela e o gimnástico Enzo Alfonsín) e o terceiro, Nico Camino, do Pinarium, mellorou a súa marca persoal ou as rapazas de peso de 2 kg, onde as primeiras tres clasificadas, as gimnásticas Valentina Vidal, Valeria Barros e Gara Manuel voltaron a casa con novas mellores marcas persoais.
Por outra banda, os atletas máis maiores tiveron a oportunidade perfecta para poñerse a proba e rematar de pulir os detalles para a tempada de aire libre e o campionato de Liga que, no caso das rapazas, será na casa o sábado 26 de abril.
Sen dúbida o Circuito Froiz de Atletismo en Pista 2025 non podía comezar de mellor maneira. A próxima cita será o mércores 07 de maio, tamén no CGTD, coa celebración do LI Trofeo Boa Vila.
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
