A San Silvestre de Pontevedra 2022 quedará marcada no calendario como unha das que peor climatoloxía tivo. Participaron cerca de 5000 persoas.
Pouco antes de que comezasen a correr os deportistas comezou a chover fortemente. Porén os pontevedreses non se renderon e celebrouse o evento con normalidade. Os disfraces e a alegría volveu reinar nas rúas de Pontevedra despois dos dous anos cunha rara San Silvestre debido á pandemia.
Os gañadores desta edición foron en categoría masculina:
Jorge Puig
Hugo García
Gustavo Santiago
En en feminina:
Sabela Castelo
Isabel Caeiro, da Sociedad Gimnástica de Pontevedra
Branca Fernández
En total, entregáronse 4.960 dorsais. Non se cumpriu o obxectivo de superar o récord de 7.000 participantes do 2019. Posiblemente o mal tempo destes días lastrou que as inscricións tiveran un número máis alto.
Homenaxe a Gustavo Dacal
Uns minutos antes de que se dese a saída, organizouse unha homenaxe a Gustavo Dacal. O obxectivo era dar visibilidade para que a xente o axudase na dura loita á que se está enfrontando.
O 31 de decembro, a Sociedad Gimnástica de Pontevedra converte a cidade do Lérez nunha gran festa deportiva grazas a San Silvestre. Milleiros de cidadáns cálzanse as zapatillas para saír a mover o esqueleto durante aproximadamente 4km. Este ano, é aínda máis unha San Silvestre deportiva.
Dende a entidade organizadora enviamos unha mensaxe aos clubs deportivos afincados no Concello de Pontevedra para que realizaran una inscrición previa á San Silvestre. A idea era potenciar, entre todos, un deporte san na nosa cidade.
Xa obtivemos as primeiras respostas cun total de 308 inscritos. Estes pertencen ás seguintes organizacións:
73 do Club Natación Galaico.
107 do Club Amigos do Baloncesto de Pontevedra.
11 do Tenis de Mesa de Monteporreiro.
96 da Escola de Piragüismo Cidade de Pontevedra
21 da Escola de Fútbol Porteiro 2000
A Sociedad Gimnástica de Pontevedra tamén é consciente de que moitos dos e das deportistas pontevedreses seguro que se inscriben máis adiante, sen facelo a través do club. Ano tras ano, unha meirande parte dos participantes da San Silvestre sempre pertencen a entidades deportivas.
Iso si, nós agradecemos a estes cinco clubs a súa participación e a súa unidade de cara esta San Silvestre 2022.
Lembramos tamén que a San Silvestre pódese realizar en patíns ou en cadeira de rodas, non só a pé. Se participas nalgún destes modos, hai que cubrir as norma á hora da saída:
Corredores/as pedestres
Deportistas menores de idade
Deportistas con mobilidade reducida (carriños de nenos, cadeiras de rodas….)
O 20 de decembro abriron as inscricións para a San Silvestre de 2022. Este ano desprazámonos ao Mercado de Abastos. No momento en que as persoas interesadas se inscriban xa recollen o dorsal co que teñen que participar obrigatoriamente o día do evento. Entregaranse dorsais ata esgotar existencias.
As datas e horarios para poder anotarse nesta proba son:
Do martes 20 ao venres 23 de decembro so en horario de tarde, dende as 17:30h ata ás 20:30h.
Do luns 26 ao venres 30 de decembro haberá dobre xornada. Pola mañá, dende ás 10:30h ata ás 13:30h; e en xornada de tarde dende ás 17:30h ata ás 20:30h.
O sábado 31 de decembro, pódense inscribir so pola mañá, dende as 10:30h ata ás 13:30h.
Para inscribir a outras persoas sen que estean presentes no momento da anotación, hai que ensinar unha autorización do titular, por exemplo, unha foto do DNI.
No momento da inscrición, os interesados teñen que traer un produto de alimentación imperecedoiro que será entregado á Rede Axuda. É dicir, o programa social do Concello de Pontevedra, que o repartirá entre as entidades que máis o necesiten.
Ademais, dende a Sociedad Gimnástica de Pontevedra, no momento de recoller o dorsal, tamén agradecemos a aportación voluntaria de 1€ por dorsal para sufragar os gastos da carreira e apoiar a labor da nosa entidade sen ánimo de lucro na promoción do atletismo da nosa comarca.
A Sociedad Gimnástica de Pontevedra pon distintos puntos de información pola cidade do Lérez para que os cidadáns e as cidadás se poidan informar da San Silvestre.
Os días que estarán habilitados serán dende o xoves 15 ao sábado 17 e o xoves 22 e venres 23 de decembro. Estarán en horario de mañá e de tarde.
Estarán sinalizados cunha carpa da Sociedad Gimnástica de Pontevedra. Neles, todo o mundo que se achegue poderá conseguir información sobre o evento: horarios, entrega do kg de alimentos, zumba, percorrido… información que, ademais, xa está dispoñible no noso regulamento.
Tamén haberá unha lista na que os interesados e interesadas pódense preinscribir e así asegúranse de que non quedan sen dorsal. Lembramos que as inscricións abrirán o 20 de decembro na planta superior do Mercado de Abastos.
Neste stand nómade, que se colocará en distintos puntos de Pontevedra, pero sempre de forma ben visible, tamén haberá merchandising.
Así que, aproveitamos para facer un chamamento de se alguén ten dúbidas sobre a San Silvestre deste ano, ademais de consultar a nosa web ou as nosas redes sociais, tamén se poden achegar a estes puntos de información e preguntar calquera cuestión.
A saída e meta, como é habitual, será dende a Avenida de Montero Ríos, ao lado da Alameda de Pontevedra. Dende esa rúa escoitarase o pistoletazo de saída e, posteriormente, a chegada á liña meta; cando se saberá quen serán os que se impoñan nesta trixésimo novena edición.
Unha vez que os participantes saen de Montero Ríos, pasarán pola Praza de España, Alameda, Raíña Victoria, Xeneral Rubín, Iglesias Vilarelle; rodeoarán a Igrexa de San Xosé para seguir pola Praza da Constitución. Posteriormente, continuarán pola Praza de Galicia, Andrés Mellado, Peregrina, Oliva, Marqués de Riestra, Gutiérrez Mellado, Michelena, Praza da Peregrina, Ferrería, Soportais e Praza de Curros Enríquez. Continuarán pola Rúa Real, Sarmiento, Gregorio Fernández, Praza da Pedreira, César Boente, Sierra, García Escudero, Ponte, San Telmo, Barón, Praza do Muelle, Arcebispo Malvar, Condesa Pardo Bazán e a Praza Concepción Areal. Neste punto xa se enfrontarán aos últimos tramos por Martitegui, Prudencio Landín, Praza de España e regreso á Avenida de Montero Ríos.
Respecto a outras edicións, haberá novidades no percorrido pola zona próxima a Campolongo, debido ás obras que se están realizando no Paseo dos Gafos.
Con este circuíto, os inscritos poden visitar algúns dos lugares máis emblemáticos da cidade de Pontevedra, nós propoñemos algunhas suxerencias.
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
