O 20 de decembro abriron as inscricións para a San Silvestre de 2022. Este ano desprazámonos ao Mercado de Abastos. No momento en que as persoas interesadas se inscriban xa recollen o dorsal co que teñen que participar obrigatoriamente o día do evento. Entregaranse dorsais ata esgotar existencias.
As datas e horarios para poder anotarse nesta proba son:
Do martes 20 ao venres 23 de decembro so en horario de tarde, dende as 17:30h ata ás 20:30h.
Do luns 26 ao venres 30 de decembro haberá dobre xornada. Pola mañá, dende ás 10:30h ata ás 13:30h; e en xornada de tarde dende ás 17:30h ata ás 20:30h.
O sábado 31 de decembro, pódense inscribir so pola mañá, dende as 10:30h ata ás 13:30h.
Para inscribir a outras persoas sen que estean presentes no momento da anotación, hai que ensinar unha autorización do titular, por exemplo, unha foto do DNI.
No momento da inscrición, os interesados teñen que traer un produto de alimentación imperecedoiro que será entregado á Rede Axuda. É dicir, o programa social do Concello de Pontevedra, que o repartirá entre as entidades que máis o necesiten.
Ademais, dende a Sociedad Gimnástica de Pontevedra, no momento de recoller o dorsal, tamén agradecemos a aportación voluntaria de 1€ por dorsal para sufragar os gastos da carreira e apoiar a labor da nosa entidade sen ánimo de lucro na promoción do atletismo da nosa comarca.
A Sociedad Gimnástica de Pontevedra pon distintos puntos de información pola cidade do Lérez para que os cidadáns e as cidadás se poidan informar da San Silvestre.
Os días que estarán habilitados serán dende o xoves 15 ao sábado 17 e o xoves 22 e venres 23 de decembro. Estarán en horario de mañá e de tarde.
Estarán sinalizados cunha carpa da Sociedad Gimnástica de Pontevedra. Neles, todo o mundo que se achegue poderá conseguir información sobre o evento: horarios, entrega do kg de alimentos, zumba, percorrido… información que, ademais, xa está dispoñible no noso regulamento.
Tamén haberá unha lista na que os interesados e interesadas pódense preinscribir e así asegúranse de que non quedan sen dorsal. Lembramos que as inscricións abrirán o 20 de decembro na planta superior do Mercado de Abastos.
Neste stand nómade, que se colocará en distintos puntos de Pontevedra, pero sempre de forma ben visible, tamén haberá merchandising.
Así que, aproveitamos para facer un chamamento de se alguén ten dúbidas sobre a San Silvestre deste ano, ademais de consultar a nosa web ou as nosas redes sociais, tamén se poden achegar a estes puntos de información e preguntar calquera cuestión.
A saída e meta, como é habitual, será dende a Avenida de Montero Ríos, ao lado da Alameda de Pontevedra. Dende esa rúa escoitarase o pistoletazo de saída e, posteriormente, a chegada á liña meta; cando se saberá quen serán os que se impoñan nesta trixésimo novena edición.
Unha vez que os participantes saen de Montero Ríos, pasarán pola Praza de España, Alameda, Raíña Victoria, Xeneral Rubín, Iglesias Vilarelle; rodeoarán a Igrexa de San Xosé para seguir pola Praza da Constitución. Posteriormente, continuarán pola Praza de Galicia, Andrés Mellado, Peregrina, Oliva, Marqués de Riestra, Gutiérrez Mellado, Michelena, Praza da Peregrina, Ferrería, Soportais e Praza de Curros Enríquez. Continuarán pola Rúa Real, Sarmiento, Gregorio Fernández, Praza da Pedreira, César Boente, Sierra, García Escudero, Ponte, San Telmo, Barón, Praza do Muelle, Arcebispo Malvar, Condesa Pardo Bazán e a Praza Concepción Areal. Neste punto xa se enfrontarán aos últimos tramos por Martitegui, Prudencio Landín, Praza de España e regreso á Avenida de Montero Ríos.
Respecto a outras edicións, haberá novidades no percorrido pola zona próxima a Campolongo, debido ás obras que se están realizando no Paseo dos Gafos.
Con este circuíto, os inscritos poden visitar algúns dos lugares máis emblemáticos da cidade de Pontevedra, nós propoñemos algunhas suxerencias.
As clases de Zumba comezarán ás 16:15h o 31 de decembro, antes da saída da San Silvestre.
A San Silvestre, máis alá de ser unha carreira, é unha gran festa deportiva. Dende fai uns anos dende a Sociedad Gimnástica de Pontevedra, grazas a Carla Novoa, intentamos que o desfrute non se quede so dende que se da o pistoletazo de saída, senón que sexa toda a tarde.
Carla Novoa, coas súas clases de Zumba, amenizará o evento a partir das 16:15h con música e deporte. É a mellor maneira para quecer de cara a San Silvestre e non ter maniotas posteriormente. Non fai falla inscribirse previamente, so hai que chegar a esa hora ao lugar da actuación e ter gañas de facer exercicio e seguir o seu ritmo.
A actividade é apta para todos os públicos, dende os máis cativos ata os maiores. É de balde. Con ela e co seu ritmo empezará a gran festa de despedida deste ano.
Tras os dous anos de parón da pandemia, onde foi imposible realizar un evento con normalidade, este ano recuperamos as actividades establecidas dende antes da chegada da Covid19. Unha delas é contar, nunha edición máis, con Carla Novoa e as súa clases de Zumba. Así poderase seguir crecendo nesta gran festa deportiva coa que se pecha este ano e se da benvida ao 2023.
Lembramos que as inscricións para participar na San Silvestre abren o 20 de decembro dende o Mercado de Abastos. Apuntarse é gratuito, so hai que traer alimentos non perecedoiros, que serán doados ao Banco de Alimentos de Pontevedra.
Queda pouco máis dun mes para a San Silvestre de Pontevedra 2022 e xa se pode apuntar no calendario cando comezan as inscricións.
Cambio de ubicación
As inscricións realizaranse na planta de arriba do Mercado de Abastos co seguinte horario e datas:
Do martes 20 ao 23 de decembro: de 17:30h a 20:30h.
Do luns 26 ao venres 30 de decembro: de 10:30h a 13:30h e de 17:30h a 20:30h.
O sábado 31 de decembro de 10:30h a 13:30h.
Polo tanto, tras varios anos onde a xente se apuntaba na Casa da Luz ou en Miler Vintage Running Club, este ano cambiamos e estaremos no Mercado de Abastos. É un dos edificios máis emblemáticos da cidade de Pontevedra, ás beiras do Lérez.
As inscricións serán gratuítas. Cada participante terá que levar un dorsal visible no peito. Estas identificacións serán obrigatorias para optar aos diferentes premios e agasallos que se entregarán. Aínda que anotarse sexa de balde, dende a Sociedad Gimnástica de Pontevedra, entidade organizadora, agradecerse a aportación voluntaria de 1€ por cada dorsal para apoiar a labor do noso club na promoción do atletismo na nosa comarca.
No momento de recoller o dorsal, haberá que entregar produtos de alimentación imperecedoiros, polo menos un quilogramo, para doar ao Banco de Alimentos de Pontevedra.
Obxectivo: superar os 7000
Animamos a todos os pontevedreses/as e veciños/as dos concellos limítrofes a participar na San Silvestre de Pontevedra 2022. Este ano buscamos superar o noso récord do 2019, cando fomos 7.000 inscritos.
Este ano a San Silvestre volve ás rúas da Cidade de Pontevedra, e con ela volverán as cores, a ilusión, os disfraces e a festa que tanto definen este evento. Proximamente publicaranse máis información, como a recollida de dorsais, os premios ou o recorrido.
Pouco a pouco seguiremos informando das novidades.
En Pontevedra o evento que marca o Nadal é a San Silvestre e este ano volve xa a clásica e tradicional San Silvestre 2022, sen restricións, pero cun novo obxectivo: conseguir que os pontevedreses e pontevedresas volvan a encher as rúas da cidade do Lérez, tal e como pasou en 2019 con 7.000 inscritos. Ese foi fito máximo de inscricións e conseguiu colocarnos no mapa nacional como unha das san silvestres máis multitudinarias se o comparamos coa poboación total da cidade organizadora.
Dende a Sociedad Gimnástica de Pontevedra, entidade organizadora queremos que entre todos nos superemos e volvamos a colocarnos no epicentro do deporte español. A Boa Vila é unha cidade moi ligada ao deporte. Aquí organízanse ao longo do ano unha gran cantidade de eventos deportivos profesionais que atraen a unha inxente cantidade de deportistas, afeccionados e público que ven de Pontevedra unha cidade idílica e sa. Este Nadal imos demostrar que non so hai que traer eventos de nivel para darnos conta de que estamos a altura, os pontevedreses tamén sabemos valorar a cidade e conseguir reflexar que a mellor San Silvestre de España é a Pontevedresa.
Atrás quedaron os anos da pandemia onde tivemos que reiventarnos para poder manter este evento, que é unha data marcada no almanaque do nadal pontevedrés.
Dous anos con “san silvestres” reinventadas
En 2020 inventouse unha #RaraPeroSanSilvestre. Intentouse que os que se inscribiran no evento puideran recorrer as rúas e parques do Concello de Pontevedra individualmente ou en grupos reducidos para evitar os contaxios. Un total de 10 percorridos distintos nos que se intentou que non se perdese a base do maior evento pontevedrés do nadal.
En 2021 buscamos achegarnos un pouco máis ao evento tradicional. Dende as Marismas de Alba e con saídas a diferentes horas xa se fixeron grupos para que os corredores competisen en grupos máis multitudinarios.
Este ano a San Silvestre volve ás rúas da Cidade de Pontevedra, e con ela volverán as cores, a ilusión, os disfraces e a festa que tanto definen este evento. Proximamente publicaranse máis información, como a recollida de dorsais, os premios ou o recorrido.
Usamos cookies para mejorar la experiencia de navegación. Si continuas navegando, se entenderá que aceptas las condiciones AceptarLee nuestra política de cookies
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
